Naga Chaithanya, Aamir Khan: అమీర్ ఖాన్ డిక్షనరీ లాంటివారు.. చైతూ కామెంట్స్ వైరల్!

బాలీవుడ్ నటుడు అమీర్ ఖాన్ కరీనాకపూర్ జంటగా అమీర్ ఖాన్ సొంత బ్యానర్ లో తెరకెక్కిన చిత్రం లాల్ సింగ్ చడ్డా. ఈ సినిమా ఆగస్టు 11వ తేదీ ప్రేక్షకుల ముందుకు రానుంది. ఈ క్రమంలోనే పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు. ఈ సినిమా పాన్ ఇండియా స్థాయిలో విడుదల కావడంతో దక్షిణాది రాష్ట్రాలలో కూడా ప్రమోషన్ కార్యక్రమాలను వేగవంతం చేశారు. ఇకపోతే ఈ సినిమాలో అక్కినేని యువ సామ్రాట్ నాగచైతన్య కూడా నటించిన విషయం మనకు తెలిసిందే.

ఈ క్రమంలోనే తాజాగా ఈ సినిమా తమిళ వెర్షన్ ట్రైలర్ లాంచ్ కార్యక్రమాన్ని చెన్నైలోని సత్యం థియేటర్లో నిర్వహించారు.ఈ సందర్భంగా నాగచైతన్య మాట్లాడుతూ పలు ఆసక్తికరమైన విషయాలను వెల్లడించారు. ఈ సందర్భంగా చైతన్య మాట్లాడుతూ తాను కూడా చెన్నై కుర్రాడి నేనని తాను 18 సంవత్సరాల పాటు ఇక్కడే పెరిగానని తెలిపారు. అయితే చాలా సంవత్సరాల తర్వాత తిరిగి ఇలా చెన్నై రావడం చాలా సంతోషంగా ఉందని ఈయన పేర్కొన్నారు.

ఇకపోతే లాల్ సింగ్ చడ్డా సినిమా గురించి మాట్లాడుతూ..తనకు ఈ సినిమాలో నటించే అవకాశం కల్పించినందుకు అమీర్ ఖాన్ గారికి ప్రత్యేకంగా కృతజ్ఞతలు తెలియజేశారు. ఇకపోతే అమీర్ ఖాన్ గురించి నాగచైతన్య మాట్లాడుతూ నేను ఆయన నుంచి ఎన్నో నేర్చుకున్నానని ఆయన ఒక డిక్షనరీ లాంటి వారు అంటూ అమీర్ ఖాన్ పై ప్రశంసలు కురిపించారు. అలాంటి గొప్ప నటుడితో కలిసి నటించే అవకాశం నాకు వచ్చినందుకు ఎంతో సంతోషంగా ఉందని నాగచైతన్య ఈ సందర్భంగా తెలిపారు.

ఇక ఈ కార్యక్రమానికి ఉదయనిది స్టాలిన్ ముఖ్యఅతిథిగా హాజరయ్యారు ఆయన మాట్లాడుతూ ఈ సినిమాని తమిళంలో విడుదల చేయాలని అమీర్ ఖాన్ ను కోరగానే వెంటనే ఒప్పుకున్నారు. సినిమా ఎంతో అద్భుతంగా ఉందని ఆయన కూడా సినిమాపై ప్రశంసలు కురిపించారు.

బింబిసార సినిమా రివ్యూ & రేటింగ్!

Most Recommended Video

సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?