హీరోగా సూపర్ ఫామ్ లో ఉండగా మాస్ ఇమేజ్ కోసం ప్రయత్నించి చేతులు కాల్చుకున్న కథానాయకుల్లో నాగశౌర్య ఒకడు. అయితే.. మళ్ళీ “ఛలో” సినిమాతో సూపర్ హిట్ అందుకుని మళ్ళీ ఫామ్ లోకి వచ్చాడనుకోండి. అయితే.. “ఛలో” అనంతరం శౌర్య నటించిన సినిమాలు బాక్సాఫీస్ దగ్గర ఆశించిన స్థాయిలో ఆడలేదు. నటుడిగా శౌర్య ప్రతి సినిమాతో మంచి మార్కులు సంపాదించుకున్నప్పటికీ.. కథానాయకుడిగా మాత్రం ఎదగలేకపోయాడు. అందుకే.. తన స్టామినాను ఎలివేట్ చేసే కథను తానే సిద్ధం చేసుకొని.. తన స్వంత నిర్మాణ సంస్థలో నిర్మించి కథానాయకుడిగా నటించాడు.. అదే “అశ్వద్ధామ” చిత్రం.
జనవరి 31న విడుదలవుతున్న ఈ సినిమాపై రైటర్ కమ్ యాక్టర్ నాగశౌర్య చాలా కాన్ఫిడెంట్ గా ఉన్నాడు. అమ్మాయిలపై జరుగుతున్న ఆకృత్యాల నేపధ్యంలో తెరకెక్కిన ఈ చిత్రం టీజర్ కి మంచి రెస్పాన్స్ వచ్చింది. హెవీడ్యూటీ యాక్షన్ ఎపిసోడ్స్ తోపాటు ఇంటెన్సిటీ ఉన్న కథ-కథనం ఉన్న “అశ్వద్ధామ” చిత్రం శౌర్య ఎప్పట్నుంచో వెయిట్ చేస్తున్న మాస్ హీరో ఇమేజ్ ను తీసుకురావడం ఖాయమని, సినిమా ప్రేక్షకుల్ని తప్పకుండా అలరిస్తుందని శౌర్య పిచ్చ కాన్ఫిడెంట్ గా ఉన్నాడు. శౌర్య కాన్ఫిడెన్స్ జనాలు చూడడానికి ఇంకా రెండు వారాలు ఉంది.
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
ఎంత మంచివాడవురా సినిమా రివ్యూ & రేటింగ్!
Home