ఇద్దరు భామలతో నాగశౌర్య రొమాన్స్

నాగశౌర్యకి మంచి లవర్ బోయ్ ఇమేజ్ ఉంది. అయితే.. మధ్యలో మాస్ ఇమేజ్ కోసం ప్రాకులాడి ఉన్న ఇమేజ్ ను పాడు చేసుకొన్నాడు కానీ.. సరిగ్గా ప్లాన్ చేసుకొని ఉంటే ఈపాటికి నాని రేంజ్ హీరో అయిపోయేవాడు. “ఛలో”తో మంచి హిట్ అందుకొన్నా ఆ తర్వాత వచ్చిన “కణం, అమ్మమ్మగారిల్లు” ఆశించిన స్థాయిలో విజయం సాధించకపోవడంతో మళ్ళీ మార్కెట్ కాస్త ఢీలాపడింది. తన ఇమేజ్ ను మళ్ళీ రీస్టోర్ చేసుకొనే పనిలో పడ్డాడు శౌర్య. అందుకే అర్జెంట్ గా శ్రీనివాస్ చక్రవర్తి దర్శకత్వంలో “నర్తనశాల” అనే సినిమా మొదలెట్టాడు.

డిఫరెంట్ లవ్ ఎంటర్ టైనర్ గా తెరకెక్కుతున్న ఈ చిత్రంలో శౌర్య తన కెరీర్ లో మొట్టమొదటిసారిగా ఇద్దరు ముద్దు గుమ్మలతో రొమాన్స్ చేయనున్నాడు. యామినీ భాస్కర్, కాష్మీరా పరదేశీ కథానాయికలుగా నటిస్తున్న ఈ చిత్రం రెగ్యులర్ షూటింగ్ మొదలై ఆల్మోస్ట్ 60% పూర్తి చేసుకొంది. సెప్టెంబర్ లేదా అక్టోబర్ లో సినిమాని విడుదల చేయాలనుకొంటున్నాడు శౌర్య. ఈ సినిమాని తన సొంత బ్యానర్ లో నిర్మిస్తుండడం విశేషం.