పూరీ జగన్నాధ్ సినిమాలు తీసే పద్ధతి మారిందేమో కానీ.. ఆయన సినిమాలకు హీరోయిన్లను సెలక్ట్ చేసే పద్ధతి ఏమాత్రం మారలేదు అనే విషయం మరోమారు రుజువైంది. ఆయన కుమారుడు కథానాయకుడిగా తెరకెక్కుతున్న తాజా చిత్రం కోసం ముంబై మోడల్ కెటికా శర్మను కథానాయికగా ఎంపిక చేశాడు పూరీ. ఇన్స్టాగ్రామ్ లో 1.3 మిలియన్ ఫాలోవర్స్ ఉన్న ఈ అమ్మడు సోషల్ మీడియాలో చాలా పాపులర్. హాట్ ఫోటోలు, వీడియోలు, డబ్ స్మాష్ లతో తనకంటూ ప్రత్యేకమైన ఇమేజ్ ఏర్పరుచుకుంది. బాలీవుడ్ టాప్ ప్రొడ్యూసర్ అయిన కరణ్ జోహార్ కూడా ఈమను ఇన్స్టాలో ఫాలో అవుతున్నాడంటే మామూలు విషయం కాదు. “రోమాంటిక్” చిత్రం నుండి ఇప్పటివరకూ విడుదలైన రెండు వీడియో సాంగ్స్ & స్టిల్స్ తోనే టాలీవుడ్ ఆడియన్స్ ను కూడా ఫ్యాన్స్ ను చేసేసుకున్న ఈ హాట్ బ్యూటీకి టాలీవుడ్ ఇండస్ట్రీ నుండి కూడా వరుస ఆఫర్లు వస్తున్నాయి.
ఇటీవల అల్లు అర్జున్ తో కలిసి “ఆహా” యాప్ కోసం ఒక యాడ్ కమర్షియల్ షూట్ చేసిన ఈ హాట్ బ్యూటీని.. నాగశౌర్య హీరోగా సుకుమార్ నిర్మిస్తున్న తాజా చిత్రంలో కథానాయికగా ఫైనల్ చేశారు. కాశీ విశాల్ దర్శకత్వంలో తెరకెక్కనున్న ఈ రోమాంటిక్ ఎంటర్ టైనర్ తో రోమాంటిక్ బ్యూటీ కెటికా మరింత మంది యువ హృదయాలను దొచడం ఖాయమని చెప్పుకొంటున్నారు. ఒక్క సినిమా కూడా విడుదలవ్వకుండానే ఇంత హల్ చల్ చేస్తున్న ఈ బ్యూటీ.. ఇక సినిమా విడుదలైతే టాలీవుడ్ ని ఏలేస్తుందేనని వ్యాఖ్యానిస్తున్నారు కొందరు. మరి అమ్మడి కెరీర్ ఎలా ఉంటుంది అనేది “రోమాంటిక్” సినిమా రిలీజ్ అయ్యేవరకూ చెప్పలేము.
Most Recommended Video
యురేక సినిమా రివ్యూ & రేటింగ్!
మధ సినిమా రివ్యూ & రేటింగ్!
మన టాలీవుడ్ డైరెక్టర్స్ మరియు వారి భార్యలు..!
