ఆసక్తికర కామెంట్స్ చేసిన నాగశౌర్య

యంగ్ హీరో నాగ శౌర్య సొంత బ్యానర్లో చేసిన “ఛలో” సూపర్ హిట్ అయింది. మళ్లీ ఐరా క్రియేషన్స్‌ బ్యానర్లో చేస్తున్న మూవీ @నర్తనశాల. శ్రీనివాస చక్రవర్తి దర్శకత్వంలో తెరకెక్కుతోన్న ఈ మూవీ దాదాపు షూటింగ్ పూర్తి చేసుకొని పోస్ట్ ప్రొడక్షన్ వర్క్ జరుపుకుంటోంది. యామిని భాస్కర్‌ హీరోయిన్ గా నటించిన ఈ చిత్రం టీజర్ రీసెంట్ గా రిలీజ్ అయి మంచి స్పందన అందుకుంది. ఈ సందర్భంగా మీడియా ముందుకు వచ్చిన నాగశౌర్య ఆసక్తికర కామెంట్స్ చేశారు. ” సినిమా చేయాలన్న కొడుకు కోసం ఏ తల్లిదండ్రులు 15 కోట్లు పెట్టుబడిగా పెట్టరు. అలాంటి అమ్మానాన్న దక్కినందుకు నాకు చాలా గర్వంగా ఉంది” అని చెప్పారు.

ఇక డైరక్టర్ గురించి మాట్లాడుతూ… “కొత్త దర్శకుడు శ్రీనివాస్ చక్రవర్తి ఎటువంటి బెరుకు లేకుండా సినిమా తీసాడు. తన శిష్యుడు ఎలా తీస్తున్నాడో తెలుసుకోవడం కోసం వంశీ పైడిపల్లి స్వయంగా సెట్స్ కు రావడం బాగా హెల్ప్ అయింది” అని వంశీకి థాంక్స్ చెప్పారు. చలో సినిమాతో పాటు ఈ చిత్రానికి సంగీతమందించిన మహతి స్వర సాగర్ గురించి నాగ శౌర్య తమాషాగా చెప్పారు. “మా ఇద్దరిది ఖుషిలో పవన్ కళ్యాణ్, భూమిక లాంటి బంధం. చిన్నప్పుడు ఎక్కడో ఒక చోట వేళ్లు తగిలి మళ్ళి ఇలా కలిసి పనిచేయాలని రాసి పెట్టుంది. నా కోసమే మహతి వచ్చి అద్భుతమైన పాటలు ఇస్తున్నాడు” అని అభినందించారు. ఈ మూవీ ఈనెల 30 న రిలీజ్ కానుంది.