“ఛలో” సినిమాతో సూపర్ హిట్ అందుకున్న నాగశౌర్య కెరీర్ ఎక్కడికో వెళ్లిపోతుందని అందరూ అనుకున్న తరుణంలో “నర్తనశాల, అమ్మమ్మగారిల్లు, కణం” చిత్రాలతో హ్యాట్రిక్ ఫ్లాప్స్ అందుకొని ఊహించని రీతిలో డల్ అయిపోయాడు. క్రేజ్ తగ్గినా కాన్సన్ ట్రేషన్ మాత్రం తగ్గలేదు. అందుకే.. మళ్ళీ వరుసగా ఒకేసారి మూడు సినిమాలు సైన్ చేశాడు. సొంత బ్యానర్ లో ఒక సినిమా కాగా.. బయటి బ్యానర్స్ లో మరో రెండు సినిమాలు సైన్ చేశాడు శౌర్య. అయితే.. తాజా సమాచారం ప్రకారం సుకుమార్ నిర్మాణంలో శౌర్య సైన్ చేసిన సినిమా ఆగిపోయిందనేది విశ్వసనీయ వర్గాల సమాచారం.
సుకుమార్ అసిస్టెంట్ ను దర్శకుడిగా పరిచయం చేస్తూ నిర్మించాలనుకున్న సినిమాలో శౌర్యను కథానాయకుడిగా ఎంపిక చేసుకున్నాడు. లవ్ స్టోరీగా రూపొందించాలనుకున్న ఆ సినిమా కారణాంతరాల వలన ఆగిపోయింది. సమంతతో కలిసి నటించిన “ఓ బేబీ” త్వరలోనే విడుదలకు సిద్ధమవుతుండగా.. అర్జెంట్ గా మరో సినిమా మొదలెట్టాలని ప్లాన్ చేస్తున్నాడు శౌర్య. మరి మొదట ఏ ప్రొజెక్ట్ ను పట్టాలెక్కిస్తాడో చూడాలి.
Home