వైరల్‌ అవుతున్న నాగబాబు ‘ఉప్పెన’ కామెంట్స్‌

‘ఉప్పెన’ సినిమా చూసినవారంతా భలే కదా, భలే పర్‌ఫార్మెన్స్‌ అంటూ మెచ్చుకుంటున్నారు. ఇలాంటి కథ, పాయింట్‌ను చక్కగా చిత్రీకరరించి ఒప్పించారని దర్శకుణ్ని మెచ్చుకుంటున్నారు. ఇలాంటి కథను నమ్మి నిర్మించడం సాహసమే అని నిర్మాతలనూ మెచ్చుకుంటున్నారు. మెగా బ్రదర్‌ నాగబాబు కూడా ఈ సినిమా విషయంలో కామెంట్‌ చేశారు. ఈ క్రమంలో వైష్ణవ్‌ సినిమా ఎంపిక గురించి, నిర్మాతల ఆలోచన గురించి మాట్లాడారు. ఇప్పుడు ఆ కామెంట్స్‌ వైరల్‌ అవుతున్నాయి. మెగా బ్రదర్‌ నాగబాబు ఇటీవల ‘ఉప్పెన’ చూశారు.

మామూలుగా ప్రివ్యూ థియేటర్‌లో సినిమా చూసే నాగబాబు… ఈ సినిమాను ప్రేక్షకుల మధ్యలో కూర్చొని సినిమా చూశాడు. షో అయ్యాక నాగబాబు షాకింగ్‌ కామెంట్స్‌ చేశాడు. ఇప్పుడు ఆ మాటలు వైరల్‌ అయ్యాయి. ఈ సినిమా చేయడం చాలా పెద్ద రిస్క్ అని అభిప్రాయపడిన నాగబాబు… బహుశా తాను నిర్మాతగా ఆలోచిస్తే ఈ సినిమా నిర్మించకపోయేవాణ్ని అని చెప్పుకొచ్చాడు. ఇలాంటి కథను నమ్మి సినిమా తీయడం చాలా పెద్ద విషయం అన్నాడు.

ఈ సినిమాను వైష్ణవ్‌ ఎంచుకోవడంపైనా నాగబాబు స్పందించాడు. “ఉప్పెన’ కథ నాకు ముందు తెలీదు. ఒకవేళ తెలిసుంటే వైష్ణవ్ తేజ్‌ను చేయొద్దు అని చెప్పేవాణ్ని’’ అని అన్నారు నాగబాబు. ఏదేమైనా వైష్ణవ్ పెద్ద రిస్కే తీసుకున్నాడు అంటూ పొగిడేశారు నాగబాబు. అయితే దీని తర్వాత వైష్ణవ్‌ మళ్లీ ఇలాంటి నిర్ణయాలు తీసుకోలేడేమో అని కూడా అన్నారు.

Most Recommended Video

ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?