చిలసౌ చూసిన నాగార్జున ఏమన్నారో తెలుసా ?

ఇండస్ట్రీకి నాలుగు స్థంబాల్లాంటి ఇండస్ట్రీల్లో ముఖ్యమైన అక్కినేని కుటుంబానికి చెందిన హీరోనే అయినప్పటికీ.. చెప్పుకోదగ్గ హిట్ ఒక్కటంటే ఒక్కటి కూడా లేకపోవడంతో.. “కాళిదాసు” చిత్రంతో హీరోగా పరిచయమై పదేళ్ళవుతున్నా తాను నిలదొక్కుకోవడానికి మాత్రం ఇప్పటికీ ఇబ్బందిపడుతూనే ఉన్నాడు. ఈ పదేళ్ళలో సుశాంత్ చేసింది అయిదు సినిమాలు మాత్రమే. అయిదో సినిమా “చిలసౌ” ఈ శుక్రవారం విడుదలవుతోంది. రాహుల్ రవీంద్రన్ దర్శకత్వంలో తెరకెక్కిన ఈ చిత్రం ట్రైలర్ జనాల్ని ఆకట్టుకోవడంతో మంచి బజ్ క్రియేట్ అయ్యింది.

మొట్టమొదటిసారిగా సుశాంత్ కూడా విడుదలకు ముందే హిట్ కొడతానన్న పూర్తి నమ్మకంతో ఉన్నాడట. ఆ నమ్మకాన్ని నాగార్జున ద్విగుణీకృతం చేశాడట. సినిమా ఫస్ట్ కాపీ చూసిన నాగార్జున “ఫస్ట్ టైమ్ మంచి సినిమా చేశావురా అని మెచ్చుకోవడంతోపాటు.. సుశాంత్ తల్లి నాగసుశీలకు కూడా కాల్ చేసి మరీ సుశాంత్ గురించి, చిలసౌ సినిమా గురించి గొప్పగా చెప్పాడట. అదే తనకు పెద్ద లభించిన పెద్ద కాంప్లిమెంట్ అని చెబుతున్నాడు సుశాంత్.