అక్కినేని కాంపౌండ్ లోకి శ్రీనువైట్లకి ఇక నోఎంట్రీ

నాగార్జున కెరీర్ లో ఒన్నాఫ్ ది బిగ్గెస్ట్ హిట్ అయిన “కింగ్” సినిమా తీసిన శ్రీనువైట్ల అంటే నాగార్జునకు విపరీతమైన అభిమానం. ఆ సినిమా తర్వాత కూడా ఇద్దరూ కలిసి ఒక ప్రొజెక్ట్ చేయాలి అనుకున్నప్పటికీ.. ఎందుకో కుదరలేదు. “ఆగడు” సినిమా వరకూ ఈ రిలేషన్ షిప్ బాగానే ఉంది. కానీ.. “బ్రూస్ లీ, మిస్టర్” రిజల్ట్స్ తర్వాత మాత్రం భారీ మార్పులు వచ్చాయి. నిజానికి.. “మిస్టర్” తర్వాత శ్రీనువైట్ల అక్కినేని అఖిల్ తో ఓ సినిమా చేయాలనుకున్నాడట. కథ చెప్పడం కోసం నాగార్జునకి ఫోన్ చేయగా.. నాగార్జున కనీసం కేర్ చేయలేదనే వార్త ప్రస్తుతం ఫిలిమ్ నగర్ లో చక్కర్లు కొడుతోంది.

ఈ వార్త నిజం అవ్వచ్చు కాకపోవచ్చు కానీ.. ఒక దర్శకుడిగా ప్రపంచ సినిమా అవసరం లేదు కనీసం నేటివ్ సినిమా మీద గ్రిప్ కోల్పోవడం, అప్డేట్ అవ్వకపోవడం వంటి కారణాలుగానే శ్రీనువైట్ల దారుణమైన పరాజయాలు చవిచూడాల్సి వచ్చింది. ఆయనకి నెక్స్ట్ సినిమా వస్తుందో లేదో కూడా తెలియదు కానీ.. ప్రస్తుతం ఆయన ఫేస్ చేస్తున్న బ్యాడ్ ఫేజ్ మరొక దర్శకుడికి రాకూడదు అని మనస్ఫూర్తిగా కోరుకొంటున్నాం.