సినిమా ఇండస్ట్రీలో గత కొన్నేళ్లుగా హీరోల, హీరోయిన్ల పారితోషికాలు ఊహించని స్థాయిలో పెరుగుతున్న సంగతి తెలిసిందే. సక్సెస్ లో ఉన్న హీరోలు అడిగినంత రెమ్యునరేషన్ ఇచ్చే నిర్మాతల సినిమాలకు మాత్రమే గ్రీన్ సిగ్నల్ ఇస్తున్నారు. అయితే నాగార్జున మాత్రం ఒకవైపు హీరోగా ఇండస్ట్రీలో సత్తా చాటుతూనే నిర్మాతగా కూడా గ్రేట్ అనిపించుకుంటున్నారు. వైష్ణవ్ తేజ్ హీరోగా అన్నపూర్ణ స్టూడియోస్ బ్యానర్ లో ఒక సినిమా తెరకెక్కుతున్న సంగతి తెలిసిందే. వైష్ణవ్ తేజ్ ఇప్పటివరకు రెండు సినిమాల్లో నటించగా ఉప్పెన విడుదలై రికార్డు స్థాయిలో కలెక్షన్లను సాధించింది.
అయితే ఒక సినిమా సక్సెస్ తో వైష్ణవ్ తేజ్ మార్కెట్ ను అంచనా వేయలేము. తొలి సినిమాతోనే వైష్ణవ్ తేజ్ క్రేజీ హీరోగా మారిపోయినప్పటికీ నిర్మాతలు వైష్ణవ్ కు భారీగా రెమ్యునరేషన్లు ఇవ్వడం లేదు. అయితే నాగార్జున మాత్రం వైష్ణవ్ కు ఏకంగా 4.5 కోట్ల రూపాయల పారితోషికం ఇస్తున్నారని తెలుస్తోంది. ప్రస్తుతం ఈ సినిమా ప్రీ ప్రొడక్షన్ పనులు జరుగుతున్నాయని త్వరలోనే మూవీ షూటింగ్ ప్రారంభం కానుందని సమాచారం.
కొత్త డైరెక్టర్ పృథ్వీ ఈ సినిమాకు దర్శకత్వం వహిస్తుండటం గమనార్హం. వైష్ణవ్ ఈ సినిమాలో హాకీ ప్లేయర్ గా కనిపిస్తారని హాకీ బ్యాక్ డ్రాప్ తో ఈ సినిమా తెరకెక్కనుందని సమాచారం. ఈ సినిమాకు సంబంధించి ఇతర వివరాలు తెలియాల్సి ఉంది. నాగ్ ప్రస్తుతం బంగార్రాజు సినిమాతో పాటు ప్రవీణ్ సత్తారు డైరెక్షన్ లో ఒక సినిమాతో బిజీగా ఉండగా నిర్మాతగా కూడా నాగార్జున బిజీ అయ్యే ప్రయత్నం చేస్తుండటం గమనార్హం.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
Home