ఇద్దరు స్టార్ హీరోలు ఒకే సినిమాలో నటించిన సమయంలో కొన్నిసార్లు ఒక హీరోకు ప్రాధాన్యత ఎక్కువగా ఉండటం మరో హీరోకు ప్రాధాన్యత తక్కువగా ఉండటం జరుగుతుంది. సూపర్ స్టార్ కృష్ణ, నాగార్జున కలిసి వారసుడు అనే సినిమాలో నటించిన సంగతి తెలిసిందే. ఈవీవీ సత్యనారాయణ వారసుడు సినిమాకు దర్శకత్వం వహించగా బాక్సాఫీస్ దగ్గర ఈ సినిమా బ్లాక్ బస్టర్ హిట్ గా నిలిచింది. నాగార్జునకు జోడీగా ఈ సినిమాలో నగ్మా నటించగా జయభేరీ ఆర్ట్ ప్రొడక్షన్స్ బ్యానర్ పై ఈ సినిమా తెరకెక్కింది.
ఈ సినిమాలో నాగార్జున, కృష్ణ తండ్రీకొడుకులుగా నటించడం గమనార్హం. అయితే ఈ సినిమాలో ఒక సన్నివేశంలో నాగార్జున కృష్ణ కాలర్ ను పట్టుకుంటారు. కథపరంగా ఆ సన్నివేశం ముఖ్యమైన సన్నివేశమే అయినప్పటికీ నాగార్జున అలా కాలర్ పట్టుకోవడంతో కృష్ణ ఫ్యాన్స్ హర్ట్ అయ్యారు. వారసుడు సినిమా క్లైమాక్స్ లో కృష్ణ పాత్ర చనిపోవడం కూడా కృష్ణ ఫ్యాన్స్ ను హర్ట్ చేసింది. అయితే బహిరంగంగానే కృష్ణ ఫ్యాన్స్ తమ ఆవేదనను వ్యక్తం చేశారు.
ఈ విషయం కృష్ణ దృష్టికి రావడంతో సినిమా స్టోరీ ప్రకారం ఆ పాత్ర చనిపోతుందని ఫ్యాన్స్ ఆ విషయాన్ని పెద్దగా పట్టించుకోవాల్సిన అవసరం లేదని కృష్ణ చెప్పారు. కృష్ణ వివరణ ఇవ్వడంతో ఆయన ఫ్యాన్స్ కూల్ అయ్యారు. ఈ సినిమాకు కీరవాణి సంగీతం అందించగా సినిమాలోని పాటలు హిట్ అయ్యాయి. మలయాళంలో హిట్టైన పరంపర సినిమాను ఈవీవీ సత్యనారాయణ వారసుడు పేరుతో తెలుగులో రీమేక్ చేశారు. వారసుడు సినిమా సక్సెస్ కావడంతో నాగార్జున ఈవీవీ సత్యనారాయణ కాంబినేషన్ లో మరికొన్ని సినిమాలు తెరకెక్కాయి.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
Home