మరో క్రేజీ రీమేక్ లో నాగార్జున…

సెకండ్ ఇన్నింగ్స్ లో మాంచి స్పీడ్ మీదున్న నాగార్జున వరుసగా క్రేజీ ప్రోజెక్ట్స్ ఎంపిక చేసుకుంటూ సక్సెస్ ఫుల్ గా ముందుకుసాగుతున్నాడు. ఇటీవలే “మనం, సోగ్గాడే చిన్ని నాయన, ఊపిరి” సినిమాలతో సూపర్ హ్యాట్రిక్ సొంతం చేసుకొన్న నాగార్జున ప్రస్తుతం ఓంకార్ దర్శకత్వంలో “రాజుగారి గది 2″లో నటిస్తున్నాడు. ఈ సినిమా అనంతరం నాని హీరోగా నటించనున్న ఓ సినిమాలో కీలకపాత్ర పోషించనున్నాడనే వార్తలు కూడా ప్రస్తుతం ఫిల్మ్ నగర్ లో హల్ చల్ చేస్తున్నాయి.

ఇప్పుడు కొత్త విశేషం ఏంటంటే.. తమిళనాట ఇటీవల విడుదలై ఘన విజయం సొంతం చేసుకొన్న “విక్రమ్ వేద” చిత్రాన్ని తెలుగులో రీమేక్ చేయనున్నారన్న విషయం తెలిసిందే. తొలుత ఈ సినిమా తెలుగు రీమేక్ లో వెంకటేష్-రాణాలు నటించనున్నారనే వార్తలు వినిపించినప్పటికీ.. ఈ తెలుగు రీమేక్ లో నాగార్జున “వేద”గా నటించనున్నారని తెలుస్తోంది. సినిమాలో వేదాది పైకి నెగిటివ్ రోల్ లా కనిపించినా నిజానికి ఆ పాత్రది చాలా పాజిటివ్ రోల్. తమిళనాట విక్రమ్ గా నటించిన మాధవన్ తెలుగులోనూ అదే పాత్రలో కనిపించనున్నాడని తెలుస్తోంది. ఈ కాంబినేషన్ కనుక నిజమే అయితే అక్కినేని అభిమానులతోపాటు తెలుగు సినిమా అభిమానులకు కూడా ఈ వార్త శుభవార్తే. ఎందుకంటే “విక్రమ్ వేద” సబ్జెక్ట్ అలాంటిది. సస్పెన్స్ థ్రిల్లర్ అయిన ఈ చిత్రం విడుదలై మూడు వారాలవుతున్నా ఇప్పటికీ బాక్సాఫీస్ దుమ్ము దులుపుతుంది. మరి తెలుగులో ఎలాంటి సంచలనాలు సృష్టిస్తుందో చూడాలి!

Also, do SUBSCRIBE to our YouTube channel to get latest Tollywood updates.