Nagarjuna: ‘కుబేర’ తో పాటు ‘కూలీ’ తో కూడా చేస్తున్న ‘కింగ్’.!

అక్కినేని నాగార్జున  (Nagarjuna) హీరోగానే కాకుండా.. పక్క హీరోల సినిమాల్లో కూడా కీలక పాత్రలు చేయడం అనేది కొత్త విషయం కాదు. గతంలో చూసుకుంటే.. శ్రీకాంత్ (Srikanth) ‘నిన్నే ప్రేమిస్తా’ (Ninne Premistha) , మోహన్ బాబు (Mohan Babu) ‘అధిపతి’ (Adhipathi) , మంచు విష్ణు (Manchu Vishnu) ‘కృష్ణార్జున’ (Krishnarjuna) , లారెన్స్ (Raghava Lawrence) ‘స్టైల్’, రణబీర్ కపూర్ (Ranbir Kapoor) ‘బ్రహ్మాస్త్ర’ వంటి సినిమాల్లో కీలక పాత్రలు చేసి మెప్పించిన సందర్భాలు ఉన్నాయి. ప్రస్తుతం శేఖర్ కమ్ముల  (Sekhar Kammula)  – ధనుష్  (Dhanush)  కాంబినేషన్లో తెరకెక్కుతున్న ‘కుబేర’ లో ఆయన ఓ ముఖ్య పాత్ర పోషిస్తున్నారు.

Nagarjuna

ఆ సినిమా షూటింగ్ జరుగుతూ ఉండగానే.. మరో పెద్ద సినిమాలో కీలక పాత్ర చేయడానికి రెడీ అయ్యారు నాగార్జున. వివరాల్లోకి వెళితే.. రజినీకాంత్ (Rajinikanth) హీరోగా లోకేష్ కనగరాజ్ (Lokesh Kanagaraj) దర్శకత్వంలో ‘కూలీ’ (Coolie) అనే ఓ యాక్షన్ డ్రామా తెరకెక్కుతుంది. ఇందులో నాగార్జున కూడా ఓ ముఖ్య పాత్ర పోషిస్తున్నట్లు చాలా కాలంగా వార్తలు వస్తున్నాయి. వాటిని నిజం చేస్తూ చిత్ర బృందం ఈరోజు ఓ పోస్టర్ తో క్లారిటీ ఇచ్చింది. అక్కినేని నాగార్జున పుట్టినరోజు సందర్భంగా..

‘కూలీ’ నుండి నాగార్జున పాత్రకు సంబంధించిన లుక్ ని వదిలింది చిత్ర బృందం. దాని ప్రకారం.. ‘కూలీ’ లో నాగార్జున సైమన్ అనే గ్యాంగ్స్టర్ పాత్రలో కనిపించబోతున్నారు. లోకేష్ కనగరాజ్ గెస్ట్ రోల్స్ ను చాలా బాగా తీర్చిదిద్దుతారు అని ప్రేక్షకులు నమ్ముతూ ఉంటారు. అలా చూసుకుంటే నాగార్జునకి కూడా మంచి ఎలివేషన్ ఇచ్చే ఛాన్స్ ఉంది. ఏదేమైనా అల్లుడు(మాజీ) ధనుష్ తో, మామ రజినీకాంత్ తో.. సినిమాలు చేస్తూ వార్తల్లో నిలిచారు నాగార్జున.

కొత్త సినిమా కోసం సీనియర్‌ నాయికతో ఆడిపాడిన సూర్య.. ఎవరంటే?