నాగార్జున కోవిడ్ టెస్ట్ రిజల్ట్ కోసం ‘బిగ్ బాస్4’ టీం వెయిటింగ్..!

నాగార్జున కూడా కోవిడ్ టెస్ట్ చేయించుకున్నారా? అంటే అవుననే సమాధానం ఎక్కువగా వినిపిస్తోంది. ఎవ్వరూ ఊహించని విధంగా నిన్న మెగాస్టార్ చిరంజీవి.. తనకు కరోనా పాజిటివ్ అని నిర్ధారణ అయినట్టు సోషల్ మీడియా ద్వారా తెలియజేసారు. అంతేకాదు గత 4,5 రోజుల్లో తనని కలిసిన వాళ్ళను కూడా కోవిడ్ టెస్టులు చేయించుకోవాల్సిందిగా ఆయన కోరారు. ఇటీవల కాలంలో చిరు.. నాగార్జునతో కలిసి తెలంగాణ ముఖ్యమంత్రి కె.సి.ఆర్ ను వద్దకు వెళ్లారు.

కాబట్టి ఇప్పుడు అందరి చూపు నాగార్జున పై పడింది. చిరు ప్రస్తుతం ‘ఆచార్య’ షూటింగ్లో మాత్రమే జాయిన్ అవ్వాల్సి ఉంది. అది లేటైనా పర్వాలేదు. కానీ నాగార్జున పరిస్థితి అలా కాదు.. ఆయన ‘బిగ్ బాస్4’ వీకెండ్ షూటింగ్లో పాల్గొనాల్సి ఉంది. కాబట్టి నిన్న సాయంత్రం(నవంబర్ 9 సాయంత్రం) నాగార్జున కూడా కోవిడ్ టెస్టు చేయించుకున్నారట. రిజల్ట్ ఈరోజు సాయంత్రం లేదా రేపు రావచ్చని ఆయన సన్నిహిత వర్గాల నుండీ సమాచారం.

రిజల్ట్ నెగిటివ్ వస్తే ఇబ్బంది లేదు. ఒకవేళ పాజిటివ్ అని వస్తే మాత్రం ఆయన హోమ్ క్వారెంటైన్ కు వెళ్లిపోవాల్సి ఉంటుంది. దాంతో 2 లేదా 3 వారాల పాటు ‘బిగ్ బాస్4’ షో షూటింగ్ కు నాగార్జున హాజరయ్యే అవకాశం ఉండదు. అందుకే ‘బిగ్ బాస్4’ నిర్వాహకులు టెన్షన్ పడుతున్నట్టు సమాచారం.

Most Recommended Video

ఈ 15 సినిమాలకి మొదటి ఛాయిస్ ఈ హీరోయిన్లు కాదు.. మరెవరో తెలుసా..!
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
‘కలర్ ఫోటో’ నుండీ హృదయాన్ని హత్తుకునే 15 డైలాగులు ఇవే..!