ఆఫీసర్ ప్రీరిలీజ్ ఈవెంట్ లో వర్మ గురించి నాగార్జున ఫన్నీ కామెంట్స్!

దాదాపు 20 ఏళ్ల తర్వాత రాంగోపాల్ వర్మ-అక్కినేని నాగార్జునల కాంబినేషన్ లో వస్తున్న సినిమా “ఆఫీసర్”. అసలు వర్మను ఎవరూ పట్టించుకోని తరుణంలో నాగార్జున పిలిచి మరీ “ఆఫీసర్” అవకాశం ఇచ్చాడు. వర్మ కూడా ప్రాణం పెట్టి ఈ సినిమా తీశాడనుకోండి. అయితే.. సినిమా రూపొందుతున్న సమయంలో వర్మ తన అభిమాన కథానాయకుడు నాగార్జున ఒక లెటర్ రాశాడట. “ఒకవేళ ఈ సినిమా సరిగా తీయకపోతే.. నన్ను అక్కడ తన్నండి” అని మెన్షన్ కూడా చేశాడట. ఈ విషయాన్ని నిన్న సాయంత్రం హైద్రాబాద్ లో జరిగిన “ప్రీ రిలీజ్ ఈవెంట్”లో నాగార్జున చెప్పడంతోపాటు “వర్మ నిన్ను తన్నను” అని కూడా చెప్పడం విశేషం.

సినిమా ట్రైలర్ కంటెంట్ పరంగా ఆశించిన స్థాయిళో ఆకట్టుకోకపోయినా.. టెక్నికల్ గా మాత్రం సరికొత్త స్టాండర్డ్స్ ను క్రియేట్ చేస్తోంది. ముఖ్యంగా ఆఫీసర్ “సౌండ్స్” రీసౌండ్ ఇస్తున్నాయి. మరి వర్మ-నాగ్ ల క్రేజీ కాంబినేషన్ లో రూపొందిన ఈ “ఆఫీసర్” వారి మునుపటి చిత్రాల తరహాలో హిట్ సినిమాగా నిలుస్తుందో లేక వర్మ మునుపటి చిత్రాల తరహాలో డిజాస్టర్ గా మిగిలిపోతుందా అనేది వేచి చూడాల్సిన విషయం.