ఆరు పదుల వయస్సులో కూడా టీవీ షోలలో, సినిమాలలో నాగ్ యంగ్ గా కనిపిస్తున్నారనే సంగతి తెలిసిందే. నాగ్ యంగ్ లుక్ ను చూసి నెటిజన్లు సైతం చాలా సందర్భాల్లో అవాక్కయ్యారు. 60 ఏళ్లు వచ్చినా 30 ఏళ్ల వ్యక్తిలా కనిపిస్తున్న నాగార్జున తాజాగా నెరిసిన జుట్టు, మీసకట్టుతో కనిపించారు. మేకప్ లేకుండా నాగార్జున గుర్తు పట్టలేని విధంగా ఉండటం గమనార్హం. ఈ ఫోటోను చూసిన నెటిజన్లు నవ మన్మథుడిలా కనిపించే నాగ్ ముసలోడు అయ్యాడని కామెంట్లు పెడుతున్నారు.
వయస్సు పెరుగుతున్నా నాగార్జున టీవీ షోలు, సినిమా ఆఫర్లతో బిజీగా ఉన్నారు. ప్రస్తుతం ప్రవీణ్ సత్తారు డైరెక్షన్ లో ఒక సినిమాలో నటిస్తున్న నాగార్జున కళ్యాణ్ కృష్ణ డైరెక్షన్ లో బంగార్రాజు సినిమాకు గ్రీన్ సిగ్నల్ ఇచ్చారు. నాగార్జున ప్రవీణ్ సినిమాలో రా ఏజెంట్ పాత్రలో కనిపించనున్నారని తెలుస్తోంది. నాగార్జునకు జోడీగా ఈ మూవీలో కాజల్ అగర్వాల్ నటిస్తుండటం గమనార్హం. దడ సినిమాలో చైతన్యకు జోడీగా నటించిన కాజల్ ప్రస్తుతం చైతన్య తండ్రికి జోడీగా నటిస్తున్నారు.
ఈ సినిమాలతో పాటు మల్టీస్టారర్ గా తెరకెక్కనున్న బ్రహ్మాస్త్ర సినిమాలో నాగార్జున నటిస్తున్న సంగతి తెలిసిందే. ఒకప్పుడు వరుస సక్సెస్ లతో జోరుమీదున్న నాగార్జునకు ఈ మధ్య కాలంలో నటించిన సినిమాల ఫలితాలు భారీ షాకిస్తున్నాయి. నాగార్జున గత సినిమా వైల్డ్ డాగ్ భారీ అంచనాలతో విడుదలై డిజాస్టర్ రిజల్ట్ ను సొంతం చేసుకున్న సంగతి తెలిసిందే. తరువాత సినిమాలతో కచ్చితంగా సక్సెస్ సాధించాలని నాగార్జున భావిస్తుండటం గమనార్హం.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
