విక్రమ్ కుమార్ దర్శకత్వంలో అక్కినేని ప్రిన్స్ అఖిల్ నటిస్తున్న హలో సినిమా షూటింగ్ శరవేగంగా జరుగుతోంది. అన్నపూర్ణ బ్యానర్లో ఎక్కడా కాంప్రమైజ్ కాకుండా భారీ బడ్జెట్ తో నాగార్జున ఈ చిత్రాన్ని నిర్మిస్తున్నారు. ఎలాగైనా హిట్టు కొట్టాలని తపనతో తండ్రి కొడుకులు కష్టపడుతున్న ఈ మూవీ డిసెంబర్ 22న రిలీజ్ కానుంది. ఇంకా దాదాపు మూడు నెలల సమయం ఉంది. అయినప్పటికీ ఈ చిత్ర షూటింగ్ ని అక్టోబర్ 15 లోపు పూర్తి చేయాలని కింగ్ నాగార్జున విక్రమ్ పై ఒత్తిడి చేస్తున్నట్లు సమాచారం. ఎందుకు డైరక్టర్ ని తొందరపెడుతున్నారని విచారించగా అసలు విషయం తెలిసింది.
మరో మూడు రోజుల్లో అక్కినేని నాగార్జున పెద్ద కొడుకు నాగచైతన్య, సమంతల పెళ్లి జరగనుంది. ఈ వివాహాన్ని గోవాలో సింపుల్ గా కానిస్తున్నారు. రిసెప్షన్ మాత్రం నాగార్జున చాలా గ్రాండ్ గా ప్లాన్ చేశారు. ఈ వేడుక పనుల్లో అఖిల్, నాగ్ బిజీ కానున్నారు. అందుకే షూటింగ్ ముగిస్తే అఖిల్ తనతో జాయిన్ అవుతాడని భావించి విక్రమ్ కుమార్ పై ఒత్తిడి తెస్తున్నారంట. అదే పనిలో డైరక్టర్ ఉన్నట్లు చిత్ర బృందం వెల్లడించింది.
