Nagarjuna: ఇది మొదటిసారి కాదు… 15 ఏళ్ళుగా అలవాటైపోయింది: నాగార్జున

October 1, 2022 / 04:02 PM ISTByFilmy Focus

Join Us

Nagarjuna: ఇది మొదటిసారి కాదు… 15 ఏళ్ళుగా అలవాటైపోయింది: నాగార్జున

అక్కినేని నాగార్జున హీరోగా ప్రవీణ్ సత్తార్ దర్శకత్వంలో తెరకెక్కిన మూవీ ది ఘోస్ట్. స్టైలిష్ యాక్షన్ ఎంటర్టైనర్ గా రూపొందిన ఈ మూవీని ఏషియన్ సినిమాస్ సంస్థ నిర్మించింది. సోనాల్ చౌహన్ హీరోయిన్ గా నటించిన ఈ మూవీ టీజర్, ట్రైలర్ ప్రేక్షకులను అమితంగా ఆకట్టుకున్నాయి. అక్టోబర్ 5న ఈ మూవీ దసరా కానుకగా విడుదల కాబోతుంది. ప్రమోషన్స్ లో భాగంగా ఈరోజు రిలీజ్ ట్రైలర్ ను విడుదల చేసారు.

ఇది కూడా ప్రేక్షకులను అమితంగా ఆకట్టుకుంది. కచ్చితంగా ఈ మూవీ బ్లాక్ బస్టర్ అవుతుంది అనే నమ్మకం అందరికీ కలిగించింది. ఇదిలా ఉండగా..రిలీజ్ ట్రైలర్ లాంచ్ చేసిన అనంతరం మీడియాతో ముచ్చటించింది ‘ ది ఘోస్ట్ ‘ టీమ్. ఈ క్రమంలో నాగార్జునకు పొలిటికల్ ఎంట్రీ పై ఓ ప్రశ్న ఎదురైంది. ‘ మీరు రాబోయే ఎన్నికల్లో వైసిపి పార్టీ తరుపున ఎం.పి గా పోటీగా చేయబోతున్నారు అంట కదా ‘ అనేది ఆ ప్రశ్న. దీనిని నాగార్జున ఖండించారు.

‘ రాజకీయాలకు నేను చాలా దూరంగా ఉన్నాను. అలా ఉండడానికే ఇష్టపడుతున్నాను. నేను పొలిటికల్ ఎంట్రీ ఇస్తున్నాను అనే పుకార్లు ఇప్పటివి కాదు. 15 ఏళ్ళుగా వింటూనే ఉన్నాను.నేను రాజకీయాల్లోకి ఎంట్రీ ఇచ్చే అవకాశం లేదు కానీ మంచి రాజకీయ నాయకుడి పాత్ర ఏమైనా దొరికితే సినిమాల్లో చేస్తా ‘ అంటూ చెప్పుకొచ్చారు నాగార్జున.