అఖిల్ కధను నాగ్ మార్చాడు…కారణం???

అక్కినేని వంశంలో వారసులు మాస్ హీరోగా ఎదగడానికి విశ్వ ప్రయత్నాలే చేస్తున్నారు…అక్కినేని నాగార్జున సంగతే తీసుకోండి….ఆయనకు మంచి మైలెజ్ అయితే వచ్చింది, సూపర్ హీరో, టాలీవుడ్ మన్మధుడు అంటూ సూపర్ హీరోగా మంచి పేరు సంపాదించుకున్నాడు కానీ, మాస్ హీరోగా ఎలివేట్ అయ్యే క్రమంలో మాత్రం కాస్త ఇబ్బందులు పడ్డాడు…ఇదిలా ఉంటే అక్కినేని నేటి తరం అక్కినేని నాగ చైతు, మరియు అఖిల్ విషయంలోకి అదే జరుగుతున్నట్లు అనిపిస్తుంది….ముఖ్యంగా అఖిల్ విషయానికి వస్తే మొదటి సినిమా అభిమానులను తీవ్రంగా నిరాశ పరిచింది….అయితే అదే క్రమంలో ఎట్టి పరిస్థితుల్లో రెండో సినిమా సూపర్ హిట్ కొట్టాలి అన్న కసితో ఉన్నాడు అఖిల్.. అదే విషయమై రెండో సినిమా కధను కాస్త జాగ్రత్తగా ఎంచుకునే ప్రయత్నాలు చేస్తున్నాడు…

ఇక రెండో సినిమా విషయంలోకి వస్తే….ఇప్పటికే రెండో సినిమా ప్రారంభానికి 14 నెలలుగా ఎదురుచూపులు చూస్తూనే ఉన్నాడు ఈ కుర్ర హీరో. అయితే విక్రమ్ కె కుమార్ డైరెక్షన్ లో రెండో సినిమా ఇప్పటికే ప్రారంభం కావాలి కానీ.. ఈ దర్శకుడు చెప్పిన స్టోరీలో సెకండాఫ్ పై నాగ్ అనుమానాలు వెలిబుచ్చాడట. దీంతో మరో కథను సిద్ధం చేసుకుని వచ్చి వినిపించాడట దర్శకుడు. కొత్త లైన్  విపరీతంగా నచ్చేయడంతో..  బడ్జెట్ విషయంలో ఆలోచించకుండా కంప్లీట్ స్క్రిప్ట్ తో వచ్చేస్తే సినిమా చేసేద్దామని చెప్పాడట నాగ్. ఇక ఈ మారిన కధ గురించి నాగ్ మాట్లాడుతూ…’నాకు ఆ రోజుల్లో శివ ఎలా ల్యాండ్ మార్క్ మూవీగా నిలిచిందో.. ఇప్పుడు అఖిల్ కు విక్రమ్ తో సినిమా కూడా అలా నిలిచిపోనుంది. విక్రం అంత పవర్ ఫుల్ స్టోరీ వినిపించాడు, అందుకే ఎక్కడ వెనకాడకుండా సినిమా నిర్మిస్తా అంటూ తెలిపాడు నాగ్….మిగిలిన విషయాలు త్వరలో వెల్లడిస్తాడట…

Also, do SUBSCRIBE to our YouTube channel to get latest Tollywood updates.