ఆఫీసర్-రాజుగాడు చిత్రాల మధ్య ఆసక్తికరమైన పోటీ!

శుక్రవారం వస్తుందంటే.. రెండు మూడు చిత్రాల నడుమ పోటీ అనేది సర్వసాధారణం. అయితే.. ఈ శుక్రవారం పోటీపడుతున్న ఆఫీసర్ & రాజుగాడు నడుమ పోటీ మాత్రం మంచి రసవత్తరంగా మారింది. ఈ చిత్రాల దర్శకులు వర్మ-సంజానారెడ్డిలు గురు శిష్యులు కావడం, ఇక ఈ సినిమా హీరో రాజ్ తరుణ్ ను పరిశ్రమకు పరిచయం చేసిందే నాగార్జున కావడంతో.. రాజ్ తరుణ్ కి కూడా నాగ్ గురువు లాంటివాడే. సో, గురువులైన వర్మ-నాగార్జునలపై శిష్యులైన సంజన-రాజ్ తరుణ్ లు విజయం సాధిస్తారా లేదా అనే విషయం ఎలాగో ఇంకో రెండ్రోజుల్లో తేలిపోనుంది.

అయితే.. నిన్న విడుదలైన ఆఫీసర్ ట్రైలర్ తో సినిమా మీద ఉన్న కాస్త ఆశల్ని కూడా సజీవ సమాధి చేసి పారేశాడు రాంగోపాల్ వర్మ. సో, “రాజుగాడు” ఏమాత్రం బాగున్నా జనాలందరూ ఆ సినిమావైపే మొగ్గు చూపుతారు. మరి ఈ గురుశిష్యుల సమరంలో ఎవరు గెలుస్తారో వేచి చూడాల్సిందే.