నందమూరి బాలకృష్ణ (Balakrishna) హిందూపురం నియోజకవర్గం నుంచి మరోసారి ఎమ్మెల్యేగా పోటీ చేస్తున్న సంగతి తెలిసిందే. హిందూపురం టీడీపీకి కంచుకోట అని మూడోసారి ఇక్కడినుంచి ఎమ్మెల్యేగా పోటీ చేసి విజయం సాధిస్తానని బాలయ్య కాన్ఫిడెన్స్ తో ఉన్నారు. బాలయ్య తాజాగా నామినేషన్ దాఖలు చేయగా ఆయన ఆస్తులు, అప్పులకు సంబంధించిన వివరాలు ప్రస్తుతం నెట్టింట వైరల్ అవుతున్నాయి. బాలయ్య పేరిట కంటే ఆయన భార్య పేరిట ఎక్కువ ఆస్తులు ఉండటం గమనార్హం.
బాలయ్య పేరిట ఉన్న ఆస్తుల విలువ 81 కోట్ల 63 లక్షల రూపాయలు కావడం గమనార్హం. బాలయ్య భార్య వసుంధర ఆస్తుల విలువ 140 కోట్ల 38 లక్షల 83 వేలు కావడం గమనార్హం. మోక్షజ్ఞ ఆస్తుల విలువ 58 కోట్ల 63 లక్షల 66 వేల రూపాయలుగా ఉంది. బాలయ్య అప్పుల విషయానికి వస్తే ఆయన అప్పుల విలువ 9 కోట్ల 9 లక్షల 22 వేలు కావడం గమనార్హం.
భార్య వసుంధర పేరిట 3 కోట్ల 83 లక్షల 98 వేలు అప్పు ఉందని బాలయ్య అఫిడవిట్ లో పేర్కొన్నారు. 2024 ఎన్నికల్లో తానే ఎమ్మెల్యేగా గెలుస్తానని బాలయ్య తెలిపారు. మరోవైపు బాలయ్య బాబీ కాంబో మూవీ షూటింగ్ 40 శాతం పూర్తైందని తెలుస్తోంది. 2025 సంక్రాంతి కానుకగా ఈ సినిమా విడుదలవుతుందని ప్రచారం జరుగుతున్నా ఇప్పటికే పలు సినిమాలు సంక్రాంతికి ఫిక్స్ అయిన నేపథ్యంలో ఏం జరుగుతుందో చూడాలి.
బాలయ్య బాబీ (Bobby) సినిమాను పూర్తి చేసి అఖండ2 (Akhanda) సినిమాతో బిజీ కానున్నారు. బాలయ్యతో సినిమాలను తెరకెక్కించాలని పలువురు టాలీవుడ్ టాప్ డైరెక్టర్లు భావిస్తుండగా బాలయ్య ఎవరికి ఛాన్స్ ఇస్తారో చూడాల్సి ఉంది. బాలయ్య అనిల్ రావిపూడి (Anil Ravipudi) , బాలయ్య గోపీచంద్ మలినేని (Gopichand Malineni) కాంబినేషన్స్ రిపీట్ కావాలని ఫ్యాన్స్ కోరుకుంటున్నారు. ఇతర భాషల్లో సైతం బాలయ్య రేంజ్ పెరగాలని ఫ్యాన్స్ భావిస్తున్నారు.
Home