కరోనా వ్యాక్సిన్ గురించి బాలయ్య ఆసక్తికరమైన కామెంట్లు..!

నందమూరి బాలకృష్ణ ఏం మాట్లాడినా ఒక సెన్సేషన్ అవుతుంటుంది. ఆయనది చిన్న పిల్లాడి మనస్తత్వం. మనసులో ఏదుంటే అది పైకి అనేస్తాడు. ఆయన మాట్లాడే మాటలు అందరూ జీర్ణించుకునే విధంగా అయితే ఉండవు కానీ..ఆ మాటలను బట్టి వెనుక విషయం చాలా ఉంది అనే హింట్లు మాత్రం ఇస్తుంటాయి. మొన్నటికి మొన్న ఇండస్ట్రీ బాగోగుల గురించి జరిగిన మీటింగ్లకు ‘నన్ను పిలవలేదు’ అని బహిరంగంగానే తన అసంతృప్తిని బయటపెట్టాడు బాలయ్య.

ఆ విషయం పై కొందరు ఆయన్ని విమర్శించినప్పటికీ.. ఆయన మాటల్లో చాలా ఆవేదన ఉంది అనే విషయాన్ని అందరూ అర్ధం చేసుకున్నారు. ఇండస్ట్రీలో చాలా మంది బాలయ్యకు మద్దతు పలికారు. సరే ఈ విషయాలను పక్కన పెట్టేస్తే.. ‘రేపో మాపో కరోనా వ్యాక్సిన్ వస్తుందిలే.. ఇది వరకటిలా పనులు చేసుకోవచ్చు’ అని చాలా మంది ఆశపడుతున్నారు. ప్రభుత్వం కూడా డిసెంబర్లో వ్యాక్సిన్ వస్తుందని జనాలకు ధైర్యాన్ని నూరిపోస్తుంది. కరోనా విజృంభణ ఇప్పుడు మరింత పెరిగిన నేపథ్యంలో..

వ్యాక్సిన్ వస్తే మంచిదే అని అంతా ఆశతో ఎదురుచూస్తున్నారు. అయితే హిందూపూర్ ఎమ్మెల్యే బాలకృష్ణ మాత్రం కరోనా వ్యాక్సిన్ గురించి కొన్ని ఆసక్తికరమైన విషయాలను తెలియజేసారు. ఆయన మాట్లాడుతూ.. ‘కరోనాకు వ్యాక్సిన్ రాలేదు. ఇక ముందు కూడా రాదు. వస్తుందనే వార్తల్లో నిజం లేదు. అసలు వ్యాక్సిన్ వచ్చే అవకాశమే లేదు. కరోనా నిబంధనలు పాటిస్తూ జాగ్రత్తగా ఉండటం తప్ప మరో మార్గం అయితే ఇప్పట్లో లేదు.కరోనా నిబంధనలను పాటించడమే ముఖ్యం’ అని బాలకృష్ణ చెప్పుకొచ్చాడు.

Most Recommended Video

‘కమిట్‌ మెంటల్’ వెబ్ సిరీస్ రివ్యూ & రేటింగ్!
ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?