Balakrishna: వైరల్ అవుతున్న బాలయ్య ఫోటో.. ఫ్యాన్స్ ను ఫిదా చేస్తున్నారుగా!

స్టార్ హీరో బాలయ్య (Balakrishna) ఒకటి రెండు సందర్భాల్లో విమర్శల పాలై ఉండొచ్చు కానీ మెజారిటీ సందర్భాల్లో బాలయ్య తన మంచి మనస్సును చాటుకుని ప్రశంసలు అందుకోవడం జరిగింది. బాలయ్య హిందూపురం నియోజకవర్గం నుంచి మరోసారి ఎమ్మెల్యేగా గెలిచిన సంగతి తెలిసిందే. బాలయ్య హ్యాట్రిక్ సాధించడంతో ఫ్యాన్స్ ఆనందానికి అవధులు లేకుండా పోయాయి. ప్రస్తుతం బాలయ్య నియోజకవర్గ పర్యటనలో ఉన్నారు. హిందూపురం అభివృద్ధి కోసం ఇప్పటికే బాలయ్య పలు నిర్ణయాలు తీసుకోగా ఆ నిర్ణయాలు నెట్టింట హాట్ టాపిక్ అయ్యాయి.

బాలయ్య తాజాగా నియోజకవర్గంలో స్థానిక ప్రజలతో కలిసి భోజనం చేస్తూ ఒక వృద్ధురాలి భుజంపై ఆప్యాయంగా చెయ్యి వేసి భోజనం చేస్తున్న ఫోటో నెట్టింట తెగ వైరల్ అయింది. ఈ ఫోటోను చూసిన నెటిజన్లు బాలయ్యను ఎంతగానో ప్రశంసిస్తున్నారు. బాలయ్య మంచి మనస్సును మెచ్చుకుంటున్నారు. స్టార్ హీరో అయినా ఎమ్మెల్యేగా గెలిచినా అణువంతైనా గర్వం లేకుండా బాలయ్య వృద్ధురాలితో ప్రవర్తించిన తీరు ప్రశంసనీయం అని చెప్పవచ్చు.

బాలయ్య బ్యాక్ టు బ్యాక్ సినిమాలతో కెరీర్ పరంగా మరింత ఎదిగి మరిన్ని విజయాలను అందుకోవాలని ఫ్యాన్స్ కోరుకుంటున్నారు. బాలయ్య బాబీ (Bobby) మూవీ వచ్చే ఏడాది రిలీజ్ కానుందని సమాచారం అందుతోంది. బాలయ్యను దగ్గరినుంచి చూసిన వాళ్లకు మాత్రమే ఆయన మంచితనం, గొప్పదనం అర్థమవుతాయని కామెంట్లు వ్యక్తమవుతున్నాయి. ఒక్కో సినిమాకు బాలయ్య పారితోషికం 34 కోట్ల రూపాయల రేంజ్ లో ఉండగా బాలయ్య సినిమాల డిజిటల్ రైట్స్ సైతం భారీ మొత్తానికి అమ్ముడవుతున్నాయి.

బాలయ్యతో సినిమా తెరకెక్కించాలని కోరుకుంటున్న దర్శకుల సంఖ్య పెరుగుతోంది. సినిమా రంగం, రాజకీయ రంగం రెండూ వేర్వేరు రంగాలు అయినా రెండు రంగాల్లో సక్సెస్ సాధించి తన సక్సెస్ తో ఎంతోమందికి బాలయ్య స్పూర్తిగా నిలిచారనే చెప్పాలి.