అభిమానం మితిమీరుతుంది. ఏ హీరోకు ఎప్పుడు ఏం జరుగుతుందో అర్ధంకాక బడా హీరోలందరూ ఇబ్బందులు పడుతున్నారు. ముఖ్యంగా మెగా ఫ్యామిలీ విషయమే తీసుకుంటే మెగాస్టార్-పవర్ స్టార్ మధ్య వార్ వారి అభిమానుల మధ్య చిచ్చు పెట్టడమే కాకుండా, మెగా హీరోల ప్రతీ ఫంక్షన్ లోను పవర్ స్టార్ అంటూ నినాదాలు చేసి ఆ మెగా హీరోలను ఇబ్బందులకు గురి చేసే సంస్కృతి కొత్తగా మొదలయ్యింది. ఇక దీనిపై బన్నీ లాంటి మెగా హీరోలు క్లాస్ పీకినా పెద్దగా మార్పు వచ్చినట్లుగా అనిపించడంలేదు. ఇదిలా ఉంటే తాజాగా టాలీవుడ్ లో ఒక అభుతమైన న్యూస్ ఒకటి బయటకు వచ్చింది.
అదేమిటంటే, నందమూరి అభిమానుల సంస్కారం… అద్భుతహా అంటున్నాయి టాలీవుడ్ సర్కిల్స్. దానికి కారణం ఏంటి అంటే మెగా ఫంక్షన్స్ లోనే చిరు కి పవర్ స్టార్ వేడి తాకుతుంటే, బాలయ్య 100వ సినిమా వేడుకకు ముఖ్య అతిధిగా హాజరయ్యాడు చిరు. అసలే చిరు-బాలయ్య అభిమానులకు ఎక్కడ పొసగదు, అలాంటిది చిరు స్టేజ్ ఎక్కి మాట్లాడే సమయంలో ఎక్కడైనా గొడవ…గోల జరుగుతుంది ఏమో అన్న ఆలోచనతో ఉన్నాయి మీడియా, సినీ వర్గాలు, కానీ చిరు నోట.. ‘నందమూరి’ అనే మాటరాగానే ఫ్యాన్స్ వీలలు వేశారు. వెంటనే మళ్లీ సైలెంట్ అయిపోయారు. అంతేకాకుండా గౌతమీపుత్రి శాతకర్ణి సబ్జెక్టును ఎన్నుకునే బాలయ్య సక్సెస్ కొట్టాడు అనగానే.. నందమూరి ఫ్యాన్స్ ఆనందంతో ఊగిపోయారు. ఇలా ఎక్కడికక్కడ క్రమశిక్షణకు మారుపేరుగా ఉంటూ వస్తున్నారు నందమూరి అభిమానులు. మరి దీన్నే అంటారేమో….”చరిత్రంటే మాది… సృష్టించాలన్నా మేమే, దాన్ని తిరగరాయాలన్న మేమే” అని.
