‘ఎక్కడికి పోతావ్ చిన్నవాడా’ సినిమాతో తెలుగు ప్రేక్షకులకి పరిచయమైన హీరోయిన్ నందిత శ్వేత. ఈ సినిమా తో మంచి పేరు సంపాదించిన ఈ భామ రెండు సంవత్సరాల తరువాత తెలుగులో ‘శ్రీనివాస కళ్యాణం’ అనే సినిమాలో నితిన్ కి జోడిగా నటించింది. అయితే తమిళ్, కన్నడ లో నటిస్తున్న ఈ భామ ఇప్పుడు తెలుగులో ఏకంగా ఏడు సినిమాలకు సైన్ చేసిందనే టాక్ వినిపిస్తుంది. తమిళ్, కన్నడ సినిమాల్లో బిజీగా ఉండే ఆ భామ ఇప్పుడు ఇలా ఏడు తెలుగు సినిమాలకు సైన్ చేయడం హాట్ టాపిక్ గా మారింది.
‘ప్రేమ కథా చిత్రం’ సినిమాకి సిక్వెల్ గా ఆర్.పి.ఏ క్రియేషన్స్ బ్యానర్ లో కొత్త దర్శకుడు హరి కిషన్ దర్శకత్వం వహిస్తున్న సినిమా ‘ప్రేమ కథా చిత్రం 2 ‘. ఈ సినిమాలో హీరో సుమంత్ అశ్విన్ కి జోడిగా నందిత శ్వేత నటిస్తుంది. అంతేకాకుండా లేడి ఓరియెంటెడ్ గా తెరకెక్కుతున్న ‘అక్షర’ సినిమాలో నటిస్తుంది. ఈ సినిమాలో నందిత శ్వేత కాలేజ్ లెక్చరర్ గా నటిస్తుందట. ఇవే కాకుండా ఇంకో ఐదు సినిమాలకు కూడా ఆ భామ ఒకే చెప్పేసిందట. వీటితో పాటు ప్రస్తుతం తమిళ్ లో మూడు, కన్నడ లో ఒక సినిమాలో నటిస్తుందట.
Home