నాని తో ముచ్చటగా మూడోసారి..?

‘స‌మ్మోహ‌నం’ వంటి డీసెంట్ హిట్ సాధించిన త‌ర‌వాత ఇంద్ర‌గంటి మోహ‌న‌కృష్ణ ఓ క్రేజీ మల్టీ స్టారర్ చిత్రాన్ని తెరకెక్కించడానికి రెడీ అవుతున్నాడు. తను హీరోగా పరిచయం చేసిన నానితో ఓ మల్టీ స్టారర్ తీయబోతున్నాడట. మరో హీరోగా సుధీర్‌బాబు న‌టిస్తున్నాడు. ఇక ఈ క్రేజీ ప్రాజెక్ట్ ను సక్సెస్ ఫుల్ ప్రొడ్యూసర్ దిల్ రాజు నిర్మించబోతున్నాడు. ఈ చిత్రానికి ‘వ్యూహం’ అనే టైటిల్ ను పరిశీలిస్తున్నట్టు టాక్ వినిపిస్తుంది. ఇప్పటికే ఈ చిత్రంలో ఓ హీరోయిన్ గా అదితి రావు హైదరి ను తీసుకున్నప్పటికీ ఇప్పుడు మరో స్టార్ హీరోయిన్ ను తీసుకోబోతున్నట్టు వార్తలు వస్తున్నాయి.

• లక్ష్మీస్ ఎన్టీఆర్  రివ్యూ కోసం ఇక్కడ క్లిక్ చేయండి
• సూర్యకాంతం రివ్యూ కోసం ఇక్కడ క్లిక్ చేయండి
• మెగా అభిమానులు నన్ను వాళ్ళ సొంత చెల్లెల్లా చూసుకుంటారు : నీహారిక కొణిదెల
• ఐరా రివ్యూ కోసం ఇక్కడ క్లిక్ చేయండి 

వివరాల్లోకి వెళితే… ఈ చిత్రంలో స‌మంత ను కూడా ఓ హీరోయిన్ గా తీసుకోబోతున్నారట. నానికి జోడీగా స‌మంత హీరోయిన్ గా నటించబోతున్నట్టు తెలుస్తుంది. ఇది సెట్టైతే … వీరిద్ద‌రికి ఇది హ్యాట్రిక్ కాంబినేషన్ అనే చెప్పాలి. గ‌తంలో రాజమౌళి డైరెక్షన్లో వచ్చిన సూపర్ హిట్ ‘ఈగ‌’ లో వీరిద్దరూ కలిసి నటించారు. ఆ త‌ర‌వాత గౌత‌మ్ మీన‌న్ డైరెక్షన్లో ‘ఎటో వెళ్ళిపోయింది మ‌న‌సు’ చిత్రంలో కూడా కలిసి నటించారు. ఈ రకంగా చూసుకుంటే ఇది హ్యాట్రిక్ అన్న మాట. ఇక సుదీర్ బాబు సరసన మరోసారి అదితి రావు హైదరి కలిసి నటిస్తున్నట్టు స్పష్టమవుతుంది. స‌స్పెన్స్ థ్రిల్ల‌ర్ గా రూపొందే ఈ చిత్రంలో నాని నెగిటీవ్ రోల్ పోషించబోతున్నాడట. త్వ‌ర‌లోనే ఈ చిత్రానికి అధికారిక ప్రకటన రానుందని ఫిలింనగర్ విశ్లేషకుల సమాచారం.