అభిమానులకు పుట్టినరోజు కానుక ఇవ్వనున్న నాని

హడావుడి లేకుండా వరుసగా హిట్స్ అందుకుంటున్న నటుడు నాని. చక చకా సినిమాలు చేస్తున్న హీరోల జాబితాలోనూ నేచురల్ స్టార్ ముందు ఉన్నారు. ఆయన నటించిన నేను లోకల్ మూవీ ప్రస్తుతం థియేటర్లో హౌస్ ఫుల్ కలక్షన్స్ తో సాగుతుండగానే మరో చిత్రం షూటింగ్ ని పూర్తిచేసే పనిలో నాని ఉన్నారు.  నూతన దర్శకుడు శివ నిర్వానంద్ డైరెక్షన్లో 19వ సినిమా చేస్తున్నారు. డివివి దానయ్య నిర్మిస్తున్న ఈ మూవీ అమెరికాలోని సాన్ ఫ్రాన్సిస్కో, లాస్ ఏంజిల్స్ వంటి ఆకర్షణీయమైన లోకేషన్లలోచిత్రీకరణ జరుపుకుంటోంది. హీరో నాని, హీరోయిన్ నివేత థామస్ లపై రొమాంటికి సన్నివేశాలను షూట్ చేస్తున్నారు. ఇప్పటికే 50  శాతం షూటింగ్ పూర్తి చేసుకుంది.

నాని సినీ కెరీర్ లో ఎక్కువభాగం విదేశాల్లో షూటింగ్ జరుపుకున్న చిత్రం గా ఈ మూవీ నిలుస్తుందని చిత్ర బృందం వెల్లడించింది. ఈ నెల 24న నాని పుట్టిన రోజు సందర్భంగా చిత్ర బృందం రేపు ఈ సినిమా టైటిల్, ఫస్ట్ లుక్ ను రిలీజ్ చేయనుంది. భారీ బడ్జెట్ తో తెరకెక్కనున్న ఈ ఫిల్మ్ లో నాని లుక్ ఎలా ఉంటుందోనని అభిమానులు ఆసక్తిగా ఎదురుచూస్తున్నారు.

Also, do SUBSCRIBE to our YouTube channel to get latest Tollywood updates.