నాని బెస్ట్ ఫ్రెండ్ అంటే ఎవరో హీరో అయ్యుంటాడని ఫిక్స్ అయిపోయి తెగ ఆలోచించేయకండి. ఆయన మరెవరో కాదు నాని సూపర్ హిట్ సినిమాలైన ‘భలే భలే మగాడివోయ్, నేను లోకల్’ చిత్రాలకి సినిమాటోగ్రాఫర్ గా వర్క్ చేసిన నిజార్ షఫీ. ఆ రెండు సినిమాల విజయాల్లోనూ తన కెమెరా వర్క్ తో కీలకపాత్ర పోషించిన నిజార్ షఫీ గత కొన్నాళ్లుగా డైరెక్షన్ ఛాన్స్ కోసం ఎదురుచూస్తున్నాడు. తాను కెమెరామెన్ గా వర్క్ చేసిన నిర్మాణ సంస్థల్లోనే దర్శకుడిగా పరిచయమయ్యేందుకు ట్రై చేసినప్పటికీ.. సరిగా వర్కవుట్ అవ్వకపోవడంతో తన కాంటాక్ట్స్ వాడి తన స్నేహితులనే నిర్మాతలుగా మార్చి మెగా ఫోన్ చేతబట్టాడు.
“అంజలి, అనీషా ఆంబ్రోస్, శ్రద్ధా శ్రీనాథ్, నందిత శ్వేత”లు ప్రధానపాత్రధారులుగా రూపొందనున్న ఈ ఇన్వెస్టిగేటివ్ థ్రిల్లర్ స్క్రిప్ట్ వర్క్ ఆల్రెడీ పూర్తయ్యిందట. త్వరలోనే రెగ్యులర్ షూట్ మొదలవుతుందని వినికిడి. ఈ సినిమాలో నానీని ఏదో విధంగా ఇన్వాల్వ్ చేద్దామని ప్లాన్ చేస్తున్నాడు నిజార్ షఫీ. ఇక అంజలి, అనీషా ఆంబ్రోస్, శ్రద్ధా శ్రీనాథ్, నందిత శ్వేత లాంటి నాలుగు అందమైన భామలు ఒకే సినిమాలో నటిస్తుండడంతో ఈ ప్రొజెక్ట్ ఆల్రెడీ టాక్ ఆఫ్ ది టౌన్ అయ్యింది.
