నాని నెక్స్ట్ సినిమాలో నటించనున్న ప్రేమమ్ నటి

నేచురల్ స్టార్ నాని “నేను లోకల్” సినిమాతో మరో హిట్ ని తన ఖాతాలో వేసుకున్నారు. త్రినాథరావు దర్శకత్వంలో తెరకెక్కిన ఈ మూవీ భారీ వసూళ్లు రాబడుతోంది. విదేశాల్లోనూ కలక్షన్ల వర్షం కురిపిస్తోంది. దీని తర్వాత నాని చేయనున్న సినిమాకు ప్రీ ప్రొడక్షన్ పనులు మొదలయి పోయాయి.  వేణు శ్రీరాం దర్శకత్వంలో రూపుదిద్దుకోనున్న ఈ చిత్రంలో కీలక రోల్ ని హీరోయిన్ భూమిక పోషించనుంది. ప్రముఖ నిర్మాత దిల్ రాజు నిర్మించనున్న ఈ సినిమాలో హీరోయిన్ గా ప్రేమమ్(మలయాళం) బ్యూటీ సాయి పల్లవి నటించనుంది. ఈమె ప్రస్తుతం దిల్ రాజు నిర్మాణంలో తెరకెక్కుతోన్న ఫిదా మూవీలో వరుణ్ తేజ్ తో జతకట్టింది.

ఈ మూవీ ఇంకా ప్రొడక్షన్ దశలో ఉంది. ఇందులో సాయి పల్లవి నటనను దగ్గరుండి చూసిన దిల్ రాజు నాని చిత్రంలో కూడా అవకాశమిచ్చారు. సాయి పల్లవికి నేచురల్ బ్యూటీ అని మలయాళంలో మంచి పేరు ఉంది. ఆమె నటించిన ప్రేమమ్ అక్కడ సూపర్ హిట్ అయింది. ఆమె, నాని కలిసి చేసే మూవీ కూడా మంచి ఫీల్ ని ఇస్తుందని సినీ పండితులు చెబుతున్నారు.

Also, do SUBSCRIBE to our YouTube channel to get latest Tollywood updates.