నేచురల్ స్టార్ నాని నిన్నుకోరి సినిమాతో డబుల్ హ్యాట్రిక్ హిట్ అందుకున్నారు. అదే ఉత్సాహంతో చక చక సినిమాలకు ఓకే చెబుతున్నారు. దిల్ రాజు నిర్మాణంలో MCA మిడిల్ క్లాస్ అబ్బాయి చేస్తున్నారు. వేణు శ్రీరాం దర్శకత్వంలో చేస్తున్న ఈ మూవీ సెట్స్ పై ఉండాగానే మరో యువ దర్శకుడు మేర్లపాక గాంధీ చెప్పిన కథకు ఓకే చెప్పారు. ఈ చిత్రం పేరు “కృష్ణార్జున యుద్ధం”. ఇందులో నాని డ్యూయల్ రోల్ పోషించనున్నారు. ఇది సెట్స్ మీదకు వెళ్లకముందే మరో కథకు గ్రీన్ సిగ్నల్ ఇచ్చినట్లు తెలిసింది.
స్టార్ డైరెక్టర్ విక్రమ్ కుమార్ చెప్పిన కథ నచ్చడంతో వెంటనే ఓకే చెప్పినట్లు సమాచారం. ఇది ఏకకాలంలో తెలుగు, తమిళ భాషల్లో తెరకెక్కనున్నట్లు ఫిలిం నగర్ వాసులు చెబుతున్నారు. ప్రస్తుతం విక్రమ్ కుమార్ అఖిల్ తో ‘హలో’ సినిమా తీస్తున్నారు. ఇది పూర్తి అయిన వెంటనే నాని సినిమా స్క్రిప్ట్ పనుల్లోకి దిగనున్నారు. వచ్చే సంవత్సరం ద్వితీయార్ధంలో సెట్స్ మీదకు వెళ్లనుంది.
