నానిని అందరూ సహజ నటుడు అంటుంటారు. అంతేకాదు వైవిధ్యమైన నటుడు కూడా. కథల ఎంపికలో చాలా కొత్తగా ఆలోచిస్తుంటాడు. హీరోగా చేసే కథలే కాదు, నిర్మాతగా తీసే కథల విషయంలోనూ అలానే ఆలోచిస్తాడు. అందుకు ఉదాహరణే ‘ఆ!’, ‘హిట్‌’. తెలుగు సినిమాల్లో వీటి రూట్‌, విజయం సాధారణ సినిమాలకు చాలా భిన్నం. ఇప్పుడు నిర్మాతగా నాలుగో సినిమా కూడా అలానే ఆలోచిస్తున్నాడు. తన సోదరి దీప్తి గంటా దర్శకత్వంలో నాని కొత్త సినిమాను స్టార్ట్‌ చేశాడు.
సినిమా పేరు ‘మీట్‌ క్యూట్‌’. సినిమా పేరుకు తగ్గట్టే సినిమా కథ, పాత్రల చిత్రణ శైలి క్యూట్‌గానే ఉంటుందట. ఈ సినిమాకు సంబంధించి ఆసక్తికరమైన విషయం బయటికొచ్చింది. అదే ఈ సినిమాలో ఐదుగురు కథానాయికలు ఉంటారట. అందులో ముగ్గురు పేరున్న నాయికలు కాగా, ఇద్దరు కొత్త అమ్మాయిలు అని తెలుస్తోంది. అలా ఈ సినిమా కూడా లేడీస్ స్పెషల్‌గానే ఉండబోతోంది.‘ఆ!’ సినిమాకు నాని అండ్‌ టీమ్‌ చేసిన ప్రచారం గుర్తుందా?
ఒక్కో హీరోయిన్‌, క్యారెక్టర్‌ను రివీల్‌ చేస్తూ సినిమా ప్రమోషన్‌ చేశారు. ఇప్పుడు ‘మీట్‌ క్యూట్‌’ విషయంలోనూ ఇదే పని చేయబోతున్నారట. సినిమాలోని కీలకమైన పాత్రలను ఒక్కొక్కరిగా రివీల్‌ చేస్తూ, సినిమా నిత్యం ప్రజల నోళ్లలో నానేలా చేయబోతున్నారట. మరి ఆ హీరోయిన్లు ఎవరు, ఎప్పుడు చెబుతారు అనేది తెలియాల్సి ఉంది. ఈ సినిమా డైరెక్టర్‌ కూడా అమ్మాయే కాబట్టి నాని సినిమా ‘లేడీస్ స్పెషల్‌’.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
