నేచుర‌ల్ స్టార్ నాని ప్రస్తుతం ‘జెర్సీ’ చిత్ర షూటింగ్లో బిజీగా ఉన్నాడు. ఒక పక్క ‘జెర్సీ’ చేస్తూనే తాజాగా మరో చిత్రాన్ని లైన్లో పెట్టిన సంగతి తెలిసిందే. ‘ఇష్క్’ ‘మనం’ ’24’ ‘హలో’ వంటి విభిన్న చిత్రాలను తెరకెక్కించిన విక్రమ్ కుమార్ డైరెక్షన్లో ఓ చిత్రం రాబోతోన్న సంగతి తెలిసిందే. ఇది నానికి 24 వ చిత్రం. మైత్రి మూవీ మేకర్స్ బ్యానర్లో తెరకెక్కుతోన్న ఈ చిత్రానికి సంబందించిన ఒక వార్త బయటకి వచ్చింది.
తాజా సమాచారం ప్రకారం ఈ చిత్రంలో నాని ‘కాసనోవా’ పాత్రలో.. అంటే అమ్మాయిల మనసుల్ని ఇట్టే దోచుకునే (ప్లే బాయ్) క్యారెక్టర్లో కనిపించబోతున్నాడట. నాని సరసన ఆరుగురు హీరోయిన్స్ ఉండబోతున్నట్టు తెలుస్తోంది. ఈ చిత్రంలో నటించే ఈ ఆరుగురి హీరోయిన్స్ ఎవరనేది తెలియాల్సి ఉంది. డీఓపీ పి.సి శ్రీరామ్ సినిమాటోగ్రఫీ అందించబోతోన్న ఈ చిత్రం 2019 ఫిబ్రవరి 19 నుండి సెట్స్ పైకి వెళ్లబోతోందట.
