నాని సినిమాలన్నీ ఒకేలా ఉంటున్నాయి, గెటప్స్ విషయంలో కూడా పెద్దగా జాగ్రత్తలు తీసుకోవడం లేదు, ఇలా అయితే నాని కెరీర్ కష్టమే అని నిన్నమొన్నటివరకూ అందరూ నానిపై పగబట్టినట్టు తిట్టిపోశారు. అలా నాని మీద ఎగిరిపడుతున్నవాళ్లందరికి చాలా సింపుల్ గా తన సినిమా ఫస్ట్ లుక్ తో సమాధానం ఇచ్చాడు నాని. “మళ్ళీ రావా” ఫేమ్ గౌతమ్ దర్శకత్వంలో సీతారా ఎంటర్ టైన్మెంట్స్ పతాకంపై నిర్మించనున్న “జెర్సీ” అనే చిత్రంలో కథానాయకుడిగా నటించేందుకు నాని ఒప్పుకోవడం అది క్రికెట్ బేస్డ్ కానేప్ట్ కావడంతో.. అప్పటిదాకా నాని మీద ఎగిరెగిరి పడినవాళ్ళందరూ చాలా రోజుల తర్వాత నాని నుంచి సరికొత్త సినిమా రాబోతోందని ప్రశంసల వర్షం కురిపించారు.
అయితే.. ఈసారి నాని సాఫ్ట్ ఇమేజ్ కి కాస్త హాట్ ఇమేజ్ యాడ్ చేసి “జెర్సీ”ని కమర్షియల్ & సెన్సిబుల్ ఫిలిమ్ గా తీర్చిదిద్దనున్నారని తెలుస్తోంది. అందుకే ఈ చిత్రంలో కథానాయికగా శ్రుతిహాసన్ ను ఫైనల్ చేశారని వినికిడి. “కాటమరాయుడు” అనంతరం మరో సినిమా సైన్ చేయని శ్రుతిహాసన్ కథ నచ్చడంతోపాటు.. నాని లాంటి ఫామ్ లో ఉన్న హీరోతో తెలుగులో తన సెకండ్ ఇన్నింగ్స్ మొదలెట్టడం మంచిది అని భావించి ఈ నిర్ణయం తీసుకొన్నట్లు తెలుస్తోంది. నాగార్జునతో కలిసి నటిస్తున్న మల్టీస్టారర్ సినిమా పూర్తవ్వగానే “జెర్సీ” షూటింగ్ మొదలెడతాడు నాని.
