కత్తి పట్టుకుని భోజనం ముందు కూర్చున్న నాని..!

నేచరల్ స్టార్ నాని యాక్ట్ చేస్తున్న టక్ జగదీష్ పోస్టర్ క్రిస్మస్ కి కానుకగా రిలీజ్ చేసింది చిత్రయూనిట్. అంతుకుముందు ఇన్ షర్ట్ చేస్కున్న ఫస్ట్ లుక్ పోస్టర్ ని మాత్రమే రిలీజ్ చేస్తే, ఇప్పుడు నానిని రివీల్ చేస్తూ మరో ఫస్ట్ లుక్ పోస్టర్ అంటూ రిలీజ్ చేసింది చిత్రయూనిట్.

శివ నిర్వాణ డైరెక్షన్ లో తెరకెక్కుతున్న ఈ సినిమా ఏప్రిల్ 2021 కి రిలీజ్ చేయబోతున్నారు. చాలా ఇంట్రస్టింగ్ గా కనిపిస్తున్న ఈ పోస్టర్ లో మనం కొన్నిఆసక్తికరమైన అంశాలని నోటీస్ చేసినట్లయితే,  ఫార్మల్ డ్రెస్ లో భోజనం ముందుకు కూర్చుని వెనక కత్తిని పైకి లేపుతూ ఎవర్నో వేసేయడానికి రెడీగా ఉన్నట్లుగా చూస్తున్నాడు నాని. అక్కడ సజెషన్ లో మనకి రోటిలో ఎవరో అమ్మాయి దేనినో దంచుతున్న షాట్ ని చూడచ్చు. అలాగే వెనక ఒక మట్టి కుండ , లాంతరు అవుట్ ఫోకస్ లో ఉంది. అంతేకాదు, లెఫ్ట్ సైడ్ వాల్ పైన గడ్డం బాగా పెంచుకుని బనీన్ తో ఉన్న ఎవరి ఫోటోకో దండ వేసి ఉంది. సాదాసీదాగా ఉన్న ఇంట్లో భోజనానికి రెడీగా కూర్చున్నాడు నాని. అక్కడ మంచినీళ్లు ఇంకా నాన్ వెజ్ కర్రీ రెడీగా పెట్టారు. లుక్ చూస్తుంటే ఫార్మల్ గా ఉన్నాడు. కానీ, వైలంట్ గా చూస్తున్నాడు నాని.

ఇక జేబులో కూలింగ్ గ్లాసెస్, స్టైలిష్ వాచ్ పెట్టుకుని చాలా సింపుల్ గా మెడికల్ రిప్రజెంటీవ్ ఫోజులో కనిపిస్తున్నాడు. మరి ఈ సైలెంట్ కుర్రాడు వైలెంట్ గా ఎందుకు మారాడు అనేది సినిమాలో ఇంట్రస్టింగ్ పాయింట్ లాగానే కనిపిస్తోంది. అదీ విషయం.