సీనియర్ హీరోల పోటీతో మొదలైన ఈ ఏడాది.. యువ హీరోల చిత్రాల యుద్ధంతో ముగియనుంది. సంక్రాంతికి చిరంజీవి, బాలకృష్ణ తమ చిత్రాలతో సందడి చేశారు. క్రిస్ మస్ కి రామ్ చరణ్ తేజ్, అఖిల్, నాని హంగామా చేయనున్నారు. ప్రస్తుతం సుకుమార్ దర్శకత్వంలో రామ్ చరణ్ “రంగస్థలం 1985 ” మూవీ చేస్తున్నారు. ఈ చిత్రం సంక్రాంతికి రిలీజ్ చేయాలనీ అనుకున్నారు. అయితే పవన్, త్రివిక్రమ్ సినిమా సంక్రాంతికి వస్తుండడంతో బాబాయ్ సినిమాతో పోటీ పడటం ఇష్టం లేని చరణ్ తన సినిమాని క్రిస్ మస్ కి రిలీజ్ చేయాలని నిర్ణయించుకున్నారు. ఇక అక్కినేని అఖిల్ ప్రస్తుతం విక్రమ్ కుమార్ దర్శకత్వంలో సినిమా చేస్తున్నాడు. షూటింగ్ శరవేగంగా జరుగుతోంది.
ఇంకా టైటిల్ ఖరారు చేయని ఈ ఈ చిత్రాన్ని డిసెంబర్ 22న రిలీజ్ చేస్తున్నట్టు నాగార్జున ప్రకటించారు. అన్నపూర్ణ బ్యానర్లో భారీ బడ్జెట్ తో నాగార్జున నిర్మిస్తున్న ఈ సినిమాపై భారీ అంచనాలున్నాయి. చరణ్, అఖిల్ మధ్యలో నాని వస్తున్నాడు. వరుస విజయాలతో దూసుకుపోతున్న నాని ప్రస్తుతం ఎంసిఎ సినిమా చేస్తున్నాడు. ఈ సినిమాని డిసెంబర్ 21 న ప్రేక్షకుల ముందుకు తీసుకురావాలని చిత్ర నిర్మాత దిల్ రాజు భావిస్తున్నారు. మరి ఈ ముగ్గురులో ఎవరికి విజయం వరిస్తుందో చూడాలి.
Also, do SUBSCRIBE to our YouTube channel to get latest Tollywood updates.
