నేచురల్ స్టార్ నాని ‘వి’ సినిమాతో ఓటీటీలో ఎంట్రీ ఇచ్చాడు. ఇప్పుడు ఆయన నటించిన ‘టక్ జగదీష్’ సినిమా కూడా ఓటీటీలోనే విడుదల కాబోతుంది. ఈ విషయంలో ఎంత పెద్ద రచ్చ జరిగిందో తెలిసిందే. ఎగ్జిబిటర్లంతా నానిని టార్గెట్ చేసి తిట్టిపోశారు. ఇప్పుడు నానితో పాటు నిర్మాతలు కూడా వివరణ ఇచ్చుకొని వివాదం సద్దుమణిగేలా చేశారు. ఇదిలా ఉండగా.. ఇప్పుడు నాని నుంచి మరో సినిమా ఓటీటీ బాట పెట్టబోతున్నట్లు సమాచారం.
అయితే అది నాని నటించిన సినిమా కాదు.. ఆయన నిర్మిస్తోన్న సినిమా. ఆ సినిమానే ‘మీట్ క్యూట్’. నాని సోదరి దీప్తి గంటా డైరెక్టర్ గా మారి రూపొందిస్తోన్న సినిమా ఇది. ఐదు కథలతో తెరకెక్కుతోన్న ఆంథాలజీ సినిమా ఇది. ఓటీటీల కోసం ఇలాంటి సినిమాలు చాలానే తెరకెక్కుతున్నాయి. ఇప్పుడు ‘మీట్ క్యూట్’ సినిమాని కూడా ఓటీటీలో రిలీజ్ చేసే దిశగా రూపొందిస్తున్నారట. ఇందులో కీలక పాత్ర పోషిస్తున్న రుహాని శర్మ తాజాగా ఓ ఇంటర్వ్యూలో ఈ విషయాన్ని వెల్లడించింది.
‘టక్ జగదీష్’ విషయంలో ఎగ్జిబిటర్లు అడ్డు పడ్డారే కానీ ‘మీట్ క్యూట్’ విషయంలో పెద్దగా అభ్యంతరాలు ఉండకపోవచ్చు. ఈ సినిమాలో వర్ష బొల్లమ్మ, ఆదాశర్మ, సునైనా, సంచిత లాంటి తారలు ముఖ్యపాత్రలు పోషిస్తున్నారు. సత్యరాజ్, రోహిణి లాంటి సీనియర్ తారలు కీలకపాత్రలు పోషించనున్నారు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
Home