కలెక్షన్స్ దుమ్ముదులుపుతున్న నాని!!!

టాలీవుడ్ లో కష్టపడి పైకి వచ్చిన అతి తక్కువ హీరోల్లో నాని ఒకడు..అయితే అదే క్రమంలో అసిస్టెంట్ డైరెక్టర్ నుంచి యువ హీరోగా మారిన నాని తన రేంజ్ పెంచుకుంటూ దూసుకుపోతున్నాడు అని అనడంలో ఏమాత్రం సందేహం లేదు….అయితే నాని రేంజ్ ను పెంచే క్రమంలో నాని సినిమా వస్తుంది అంటే యూత్ లోనే కాదు అన్నివర్గాల సిని ప్రేక్షకులు ఎప్పుడెప్పుడా అని ఎదురు చూస్తూ ఉండడం షరా మామోలు అయిపోయింది…..ఇక నాని కరియర్ సరిగ్గా గమనిస్తే…అష్టా చమ్మతో మొదలైన నాని సిని ప్రస్థానం నేను లోకల్ దాకా ఎలా సాగిందో తెలిసిందే. మధ్యలో కెరియర్ కాస్త అటు ఇటుగా మారినా ఇప్పుడు వరుసగా సూపర్ హిట్లు అందుకుంటూ నాచురల్ స్టార్ గా తన సత్తా చాటుతున్నాడు నాని.

ఇక నిన్న ప్రేక్షకుల ముందుకు వచ్చిన నాని ‘నేను లోకల్’ సినిమా అన్ని వర్గాల ప్రేక్షకుల నుండి సూపర్ హిట్ టాక్ తెచ్చుకుంది. ఇక సినిమా మొదటి రోజు కలక్షన్స్ అయితే నాని రాజమౌళి కాంబినేషన్ లో వచ్చిన ఈగ సినిమా రేంజ్లో రావడం అందరినీ ఆశ్చర్యానికి గురి చేసింది. ఈగ అంటే రాజమౌళి ఉన్నాడు కాబట్టి అని సరిపెట్టుకోవచ్చు. కాని నేను లోకల్ దర్శకుడు త్రినాధరావు ఎవరో కూడా తెలియని సగటు ఆడియెన్స్ నాని నేను లోకల్ కు అదే రేంజ్ కలక్షన్స్ ఇచ్చేశారు. ఈగ సినిమా మొదటి రోజు 4.60 కోట్లు వసూలు చేయగా.. ఈ లోకల్ నాని 4.35 కోట్లు మొదటి రోజు కుమ్మేశాడు. నాని ఫాలోయింగ్ తో పాటు హీరోయిన్ కీర్తి సురేష్ క్రేజ్ కూడా ఈ సినిమాకు బాగా ప్లస్ అయ్యింది. చేసింది తెలుగులో ఒక్క సినిమానే అయినా అమ్మడి అందానికి తెలుగు ఆడియెన్స్ ఫిదా అయ్యారు. నాని నేను లోకల్ ఓవర్సీస్ లో కూడా మంచి ఓపెనింగ్స్ సాధించిందని తెలుస్తుంది. మొత్తానికి ఈ సినిమాతో నాని దాదాపుగా డబల్ హ్యాట్రిక్ కొట్టేసాడు ఈ సినిమాతో…..నానినా మజాకా!!!

Also, do SUBSCRIBE to our YouTube channel to get latest Tollywood updates.