హీరో నాని సినిమాలను ఈ మధ్య విడుదల సమస్య వెంటాడుతుంది. ఆయన గత చిత్రం గ్యాంగ్ లీడర్ మరియు తాజా చిత్రం ‘వి’ అనుకున్న సమయానికి విడుదల కాలేకపోయాయి. గ్యాంగ్ లీడర్ విడుదల ఆలస్యానికి ప్రభాస్ మూవీ కారణం కాగా వి మూవీని కరోనా దెబ్బేసింది. దీనితో అనుకున్న సమయానికి సినిమా విడుదల కాక నాని సతమతం అవుతున్నారు. గ్యాంగ్ లీడర్ సినిమాను నాని మొదట ఆగస్టు 30న విడుదల చేయాలని నిర్ణయించుకున్నారు. సాహో విడుదల తేదీని దృష్టిలో ఉంచుకొని ఆ తేదీని నిర్ణయించుకోవడం జరిగింది. అనూహ్యంగా ఆగస్టు 15న విడుదల కావాల్సిన సాహో 30గా మార్చడం జరిగింది. దీనితో గ్యాంగ్ లీడర్ మూవీ విడుదల సెప్టెంబర్ 13కి మార్చుకోవాల్సివచ్చింది.
తాజా చిత్రం కూడా విడుదల తేదీ మార్చుకుంది. వి మూవీ విడుదల మార్చి 25 గా చాల కాలం క్రితమే నిర్ణయించడం జరిగింది. ఐతే చైనా నుండి ప్రపంచంలోని అన్ని దేశాలకు వ్యాపిస్తున్న కరోనా వైరస్ కారణంగా ఇండియాలో సైతం భయానక పరిస్థితులు నెలకొని ఉన్నాయి. దీనితో ప్రభుత్వాలు జనసమర్థం ఉన్న ప్రదేశాలకు దూరంగా ఉండాలని హెచ్చరించడంతో థియేటర్స్ కి జనాలు రాని పరిస్థితి నెలకొంది. ఈ నేపథ్యంలో వి మూవీ నిర్మాతలు చిత్ర విడుదల వాయిదా వేశారు. ఇలా నాని తాజా చిత్రం సైతం అనుకున్న సమయానికి విడుదల కాలేకపోయింది.
Most Recommended Video
యురేక సినిమా రివ్యూ & రేటింగ్!
మధ సినిమా రివ్యూ & రేటింగ్!
మన టాలీవుడ్ డైరెక్టర్స్ మరియు వారి భార్యలు..!
