సినిమాలు – రాజకీయాలు.. ఈ సంబంధం గురించి మీకు బాగా తెలిసిందే. తెలుగు రాష్ట్రాల్లో అయితే ఇది కొంచెం ఎక్కువగానే ఉంటుంది. అంటే సినిమాల నుండి రాజకీయాల్లోకి వచ్చిన వాళ్లు ఎక్కువగానే ఉన్నారు మరి ఇక్కడ. అలాగే సినిమా వాళ్ల కుటుంబసభ్యులు రాజకీయాల్లో ఉన్నారు. అయితే ఏ కుటుంబం నుండి వచ్చిన స్టార్ హీరో.. ఆ కుటుంబానికి చెందిన హీరోనే అభిమానిస్తారు అని అనుకోలేం. అదేంటి అనుకుంటున్నారా? కావాలంటే మీరే చూడండి నందమూరి కుటుంబానికి చెందిన అమ్మాయిని చేసుకున్న నారా లోకేశ్కు అభిమాన హీరో మెగా ఫ్యామిలీలో ఉన్నారు.
అవును, మీరు చదివింది కరెక్టే. ఈ మాట ఎవరో చెప్పలేదు. లోకేశే ఇటీవల చెప్పుకొచ్చారు. యువగళం పేరుతో ఆయన పాదయాత్ర చేస్తున్న విషయం తెలిసిందే. ఈ క్రమంలో హలో లోకేశ్ పేరుతో ఇటీవల ఓ బహిరంగ సభ నిర్వహించారు. అందులో ప్రజల నుండి వచ్చిన కొన్ని ప్రశ్నలకు ఆయన సమాధానమిచ్చారు. అలాగే తన జీవితంలోని కొన్ని ముఖ్య విషయాలను కూడా లోకేశ్ పంచుకున్నారు. ఈ క్రమంలో మెగా హీరో ప్రస్తావన వచ్చింది.
దీంతో ఆయన మాటలు విన్న మెగా ఫ్యాన్స్ ఖుష్ అవుతున్నారు. ఇంతకీ ఎవరా హీరో అనుకుంటున్నారా? ఇంకెవరు మెగా స్టార్ చిరంజీవి. నేను మెగాస్టార్ చిరంజీవికి అభిమానిని. ఆయన లేటెస్ట్ సినిమా ‘వాల్తేరు వీరయ్య’ చూశాను అని చెప్పారు నారా లోకేశ్. అలాగే బాల మామ గురించి చెప్పాలంటే ఎంతైనా ఆయన నా మద్దుల మామయ్య.. విడుదలైన మొదటి రోజు, మొదటి షో చూడటం నాకు అలవాటు అని చెప్పారు లోకేశ్.
మరో సందర్భంలో పవన్ కళ్యాణ్ గురించి మాట్లాడుతూ పవన్ను ఒకసారే కలిశాను. ఆ సందర్భంలో ఆయన మంచి మనుసు చూశానని చెప్పారు. ఇక ఎన్టీఆర్ ప్రస్తావన వచ్చినప్పుడు ఎన్టీఆర్ రాజకీయాల్లోకి రావాలి అని లోకేష్ ఆకాంక్షించారు. ఆంధ్రప్రదేశ్ నెంబర్ వన్ స్థానంలో ఉండాలని కోరుకునేవాళ్లంతా రాజకీయాల్లోకి రావాలని లోకేశ్ పిలుపునిచ్చారు.
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
