వెంకీ, తేజ చిత్రంలో కీలకరోల్ పోషించనున్న నారా రోహిత్

విక్టరీ వెంకటేష్ గురు సినిమా తర్వాత తేజ దర్శకత్వంలో సినిమా చేస్తున్న సంగతి తెలిసిందే. ‘నేనే రాజు నేనే మంత్రి’ సినిమాతో మళ్ళీ ఫామ్లోకి వచ్చిన తేజ ఈ చిత్రానికి “వేట నాదే ఆట నాదే” అనే పేరు పరిశీలిస్తున్నారు. సురేశ్ ప్రొడక్షన్స్, ఎ.కె. ఎంటర్‎టైన్ మెంట్స్ సంయుక్తంగా నిర్మిస్తున్న ఈ మూవీ గురించి ఆసక్తికర విషయం బయటికి వచ్చింది. ఇందులో వెంకటేష్ కి బామ్మర్దిగా నారా రోహిత్ నటిస్తున్నట్లు తెలిసింది. ఆ రోల్ ని మొదట రానా, నాగచైతన్య, సుమంత్ (ఎవరైనా ఒకరు) లతో చేయించాలనుకున్నారు. కానీ సెట్ కారని భావించి రీసెంట్ గా గరుడ వేగా తో హిట్ అందుకున్న రాజశేఖర్ ని సంప్రదించారు. అతనుకూడా నో చెప్పిన్నట్టు సమాచారం.

తాజాగా నారా రోహిత్ ఈ రోల్ చేయడానికి గ్రీన్ సిగ్నల్ ఇచ్చినట్లు తెలిసింది. ఈ విషయాన్నీ చిత్ర బృందం త్వరలో అధికారికంగా ప్రకటించనుంది. వెంకటేష్ ప్రొఫెసర్ గా కనిపించనున్న ఇందులో అతిథి రావ్ హైదరి హీరోయిన్ గా నటించనుంది. తేజ మార్చి నుంచి మహానటుడు ఎన్టీఆర్ బయోపిక్ సినిమాని సెట్స్ పైకి తీసుకెళ్లాలి. సో అప్పటిలోపున ఈ చిత్రాన్ని కంప్లీట్ చేయాలనీ చూస్తున్నారు. వెంకటేష్ కూడా నాన్ స్టాప్ గా వర్క్ చేయాలనీ నిర్ణయించుకున్నారు. ఫ్యామిలీ థ్రిల్లర్ గా తెరకెక్కుతోన్న ఈ మూవీపై అంచనాలు భారీగానే ఉన్నాయి.