పొలిటికల్ నేపథ్యం కలిగిన నారా రోహిత్ సినిమాలోకి అడుగుపెట్టి తనకంటూ ఓ గుర్తింపుని సొంతం చేసుకున్నారు. ప్రస్తుతం తేజ దర్శకతంలో నటిస్తున్నారు. వెంకటేష్ తో కలిసి ఆట నాదే వేట నాదే సినిమాలో స్క్రీన్ షేర్ చేసుకోబోతున్నారు. ఈ మూవీ షూటింగ్ లో పాల్గొంటూనే మరో కథకి గ్రీన్ సిగ్నల్ ఇచ్చినట్లు సమాచారం. అయితే ఇందులో హీరో పాత్ర మాట్లాడలేడు. మూగవాడు. అయినా కథ కొత్తగా ఉండడంతో ఈ సాహసానికి నారా రోహిత్ సై అన్నారు. మాస్ మహారాజ్ రవితేజ అంధుడిగా నటించి అదరగొట్టారు. ఎన్టీఆర్ జై లవకుశ సినిమాలో నత్తి పాత్రలో ఆకట్టుకున్నారు. ఇంకా రామ్ చరణ్ తేజ్ చెవిటి వాడిగా మెప్పించడానికి వస్తున్నారు.
రంగస్థలంలో చెర్రీ సౌండ్ ఇంజినీర్ గా కనిపించబోతున్నారు. ఇలా యువ హీరోలు ప్రయోగాలు చేసి విజయాన్ని అందుకున్నారు. అందుకే ఈసారి నారా రోహిత్ ఈ ప్రయోగానికి ఒకే చెప్పారు. ఇప్పటి దాకా తెలుగు తెరపై పూర్తిస్థాయి మూగ పాత్రను చంద్రమోహన్ సిరిసిరి మువ్వ సినిమాలో చేసారు. మళ్లీ ఇన్ని దశాబ్దాల తర్వాత నారా రోహిత్ చేయబోతున్నాడు. మంజునాథ్ దర్శకత్వంలో అట్లూరి నారాయణరావు నిర్మించనున్న ఈ మూవీ వివరాలను త్వరలో అధికారికంగా ప్రకటించనున్నారు.
