నవ్వులు పూయిస్తున్న సుమంత్ కొత్త చిత్ర ట్రైలర్

సత్యం, గోదావరి వంటి ప్రేమకథలతో విజయాలను అందుకున్న సుమంత్ ఈ సారి కామెడీ కథతో నవ్వించడానికి సిద్ధమయిపోయాడు. వీర్యం దానం చేసే యువకుని పాత్రలో అతను నటించిన “నరుడా డో నరుడా” చిత్రం ట్రైలర్ ను సూపర్ స్టార్ మహేష్ బాబు విడుదల చేశారు.

“అన్ని దానాల్లో కన్నా వీర్యదానం గొప్పది” అంటూ మొదలయ్యే ఈ ట్రైలర్ చివరి వరకు నవ్వులు పూయిస్తోంది. ఇందులో డాక్టర్ గా తనికెళ్ల భరణి చేసే హడావుడి ఫన్ ని క్రియేట్ చేస్తోంది. అయితే యువ దర్శకుడు మల్లిక్ రామ్ ఈ సినిమాలో ప్రేమ ని మిస్ చేయలేదని ఈ వీడియో చూస్తే అర్ధమవుతుంది. సుమంత్ తో “గోల్ కీపర్ ఉన్నాడని గోల్ వేయడం మానేస్తామా” అంటూ డైలాగులు పేలుస్తూ చిత్రంపై ఆసక్తిని రేకెత్తించాడు. ఈ మూవీలో సుమంత్ సరసన మరాఠి నటి పల్లవి సుభాష్ నటిస్తోంది. ఆమె అందం కూడా సినిమాకు ప్లస్ కానుంది. ట్రైలర్ చూసిన వారందరూ  “నరుడా డో నరుడా” విజయం 100 శాతం గ్యారంటీ అని చెబుతున్నారు.

Wishing my dear friend @isumanth & entire team all the very best. Here’s the theatrical trailer of #NarudaDONORuda.https://t.co/QnEmISfDp9

— Mahesh Babu (@urstrulyMahesh) September 27, 2016