Naveen Polishetty: మరో సినిమాకి గ్రీన్ సిగ్నల్ ఇచ్చిన జాతిరత్నం?

తెలుగు హీరోల్లో ప్రస్తుతం తన సొంత టాలెంట్ తో ఎటువంటి ఫ్యామిలీ బ్యాక్ గ్రౌండ్ లేకుండా హీరోగా ఒక్కో సినిమాతో మంచి క్రేజ్ అందుకుంటూ దూసుకెళ్తున్నారు నవీన్ పోలిశెట్టి. తొలిసారిగా శేఖర్ కమ్ముల తీసిన లైఫ్ ఈజ్ బ్యూటిఫుల్ మూవీ లో చిన్న రోల్ చేసిన నవీన్, ఆ తరువాత సూపర్ స్టార్ మహేష్ తో సుకుమార్ తెరేక్కించిన సైకలాజికల్ ఎంటర్టైనర్ వన్ నేనొక్కడినే లో ఇంపార్టెంట్ రోల్ లో నటించి తన నటనతో అందరినీ అలరించారు. ఆపై ఏజెంట్ సాయి శ్రీనివాస ఆత్రేయ సినిమాతో హీరోగా మారిన నవీన్, అనంతరం హిందీలో దివంగత నటుడు సుశాంత్ సింగ్ రాజ్ పుత్, శ్రద్ధ కపూర్ కలయికలో వచ్చిన చిచ్చోరె మూవీలో ఒక కీలక రోల్ చేశారు.

ఆ విధంగా నటుడిగా బాలీవుడ్ ప్రేక్షకుల నుండి కూడా మంచి క్రేజ్ దక్కించుకున్న నవీన్, ఇటీవల రాహుల్ రామకృష్ణ, ప్రియదర్శిలతో కలిసి చేసిన సినిమా జాతి రత్నాలు. యువ దర్శకుడు అనుదీప్ తెరకెక్కించిన ఈ ఎంటర్టైనర్ మూవీ రిలీజ్ తరువాత ఎంత పెద్ద విజయం అందుకుందో అందరికి తెలిసందే. ఇక దీని తరువాత ప్రఖ్యాత సంస్థ యువి క్రియేషన్స్ వారితో ఒక మూవీ చేయనున్నారు నవీన్. కాగా ఈ సినిమాలో స్వీటీ అనుష్క శెట్టి ఒక కీలక రోల్ చేస్తున్నట్లు సమాచారం. అయితే ఈ సినిమా అనంతరం యువ దర్శకుడు కళ్యాణ్ శంకర్ తో ఆయన ఒక మూవీ చేయనున్నారు అనేది లేటెస్ట్ టాలీవుడ్ వర్గాల టాక్.

జాతి రత్నాలు మూవీకి పనిచేసిన కళ్యాణ్, ఆ సమయంలో తనకు విన్పించిన ఒక స్టోరీ ఎంతో నచ్చడంతో నవీన్ అతడికి ఛాన్స్ ఇచ్చినట్లు తెలుస్తోంది. మంచి ఎమోషనల్ జర్నీ స్టోరీ గా సాగే ఈ సినిమాని టాలీవుడ్ టాప్ బ్యానర్స్ లో ఒకటైన సితార ఎంటర్టైన్మెంట్స్ వారు నిర్మించండగా దీనిని సూర్య దేవర నాగవంశీ ఎంతో ప్రతిష్టాత్మకంగా భారీగా నిర్మించనున్నారని, దీనికి సంబందించి త్వరలో అఫీషియల్ అనౌన్స్ మెంట్ కూడా రానుందని తెలుస్తోంది. కాగా ఈ సంస్థ ప్రస్తుతం పవర్ స్టార్ పవన్ కళ్యాణ్ తో భీమ్లా నాయక్ మూవీ నిర్మిస్తున్న విషయం తెలిసిందే.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!