కొత్త నీరు సందడి పెరగడంతో… టాలీవుడ్‌లో కొత్త కథలు పుట్టుకొస్తున్నాయి. లేదంటే పక్క పరిశ్రమలో వచ్చిన కథలను తమకు అనుగుణంగా మార్చుకొని తెలుగు సినిమాను కొత్త పుంతలు తొక్కిస్తున్నారు. ఇదే సమయంలో హీరోలు కూడా సినిమాల ఎంపిక విషయంలో కొత్తదనానికి ప్రాధాన్యత ఇస్తుండటం కూడా ఓ కారణం. తాజాగా ‘జాతిరత్నాలు’తో హిట్ కొట్టి.. హ్యాట్రిక్‌ కోసం రెడీగా ఉన్న నవీన్ పొలిశెట్టి కూడా ఇదే చేస్తున్నాడని తెలుస్తోంది. అనుష్క శెట్టి ప్రధాన పాత్రలో రూపొందనున్న సినిమాలో నవీన్ నటిస్తున్నాడని టాక్‌.
‘రా రా కృష్ణయ్య’తో దర్శకుడిగా పరిచయమైన మహేశ్‌ కొత్త సినిమా త్వరలో ప్రారంభమవుతుంది. యూవీ క్రియేషన్స్‌ పతాకంపై రూపొందనున్నఈ సినిమాలో అనుష్క ప్రధాన పాత్రధారి అని ఇప్పటికే వార్తలొచ్చాయి. అందులోనే నవీన్ పొలిశెట్టి నటిస్తున్నాడని అంటున్నారు. రొమాంటిక్‌ ప్రేమకథగా రూపొందనున్న ఈ సినిమాలో 20 ఏళ్ల వ్యత్యాసమున్న స్త్రీ, పురుషల మధ్య ప్రేమ పుట్టడం.. వాళ్లు ఎదుర్కొనే పరిమాణాల నేపథ్యంలో సినిమా ఉంటుందట. నవీన్ పొలిశెట్టి మూడు సినిమాల ట్రాక్‌ రికార్డు చూస్తే… ఇలాంటి సినిమా ఒప్పుకోవడంలో అతిశయోక్తి లేదనే చెప్పాలి.
‘ఏజెంట్‌ సాయి శ్రీనివాస్‌ ఆత్రేయ’, ‘చొచ్చోరే’… ఇప్పుడు ‘జాతిరత్నాలు’ ఇలా అన్నింటా ఆయన ఎంపికలో కథ – వైవిధ్యం కనిపిస్తూనే ఉంటాయి. సో టాలీవుడ్‌లో ఈ కొత్త ప్రేమకథ కాన్సెప్ట్‌ వర్కవుట్‌ అయ్యి… ప్రేక్షకులకు వినోదం పక్కా అని అంటున్నారు.
Most Recommended Video
శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!
