ప్రస్తుతం సౌత్ ఇండియాలో స్టార్ హీరోయిన్ నయనతార హవా కొనసాగుతున్న సంగతి తెలిసిందే. లేడీ ఓరియెంటెడ్ సినిమాలతో వరుస విజయాలను ఖాతాలో వేసుకుంటున్న నయనతార గాడ్ ఫాదర్ సినిమాలో చిరంజీవి చెల్లి పాత్రలో కనిపించనున్నారు. సైరా నరసింహారెడ్డి సినిమా తర్వాత నయనతార తెలుగులో నటిస్తున్న సినిమా ఇదే కావడం గమనార్హం. ఈ సినిమా కోసం నయనతార ఏకంగా నాలుగు కోట్ల రూపాయల పారితోషికం తీసుకుంటున్నారని బోగట్టా. నయనతార నటించడం వల్ల ఇతర భాషల్లో కూడా రికార్డు స్థాయిలో బిజినెస్ జరిగే అవకాశం ఉన్న
నేపథ్యంలో మేకర్స్ ఈ స్థాయిలో రెమ్యునరేషన్ ఇవ్వడానికి సిద్ధమైనట్లు సమాచారం. లూసిఫర్ రీమేక్ గా గాడ్ ఫాదర్ సినిమా తెరకెక్కనుండగా గాడ్ ఫాదర్ లో చెల్లెలి పాత్ర ఎంతో కీలకమనే విషయం తెలిసిందే. పొలిటికల్ డ్రామాగా తెరకెక్కనున్న ఈ సినిమాలో నయనతార పవర్ ఫుల్ లుక్ లో కనిపించనున్నారు. కొణిదెల ప్రొడక్షన్స్, సూపర్ గుడ్ ఫిల్మ్స్ సంయుక్తంగా ఈ సినిమాను నిర్మిస్తున్నాయి. నయనతార భర్తగా సత్యదేవ్ ఈ సినిమాలో కనిపించనుండగా బాలీవుడ్ స్టార్ హీరో సల్మాన్ ఖాన్ కూడా ఈ సినిమాలో నటిస్తున్నారని తెలుస్తోంది.
వచ్చే ఏడాది సెకండాఫ్ లో ఈ సినిమా రిలీజ్ కానుంది. చిరంజీవి వరుసగా సినిమాల్లో నటిస్తుండటంతో ఫ్యాన్స్ సంతోషిస్తున్నారు. చిరంజీవి ఈ సినిమాతో పాటు బాబీ డైరెక్షన్ లో ఒక సినిమాలో, భోళా శంకర్ సినిమాలో నటిస్తున్నారు. వచ్చే ఏడాది చిరంజీవి నటించిన మూడు సినిమాలు రిలీజ్ కానున్నాయని సమాచారం.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
