స్టార్ హీరో మహేష్ బాబు, స్టార్ డైరెక్టర్ తివిక్రమ్ శ్రీనివాస్ కాంబినేషన్ లో తెరకెక్కనున్న సినిమాలోని హీరోయిన్ పాత్రకు పలువురు హీరోయిన్ల పేర్లు వినిపించిన సంగతి తెలిసిందే. ప్రస్తుతం సర్కారు వారి పాట మూవీ షూటింగ్ తో బిజీగా ఉన్న మహేష్ బాబు త్వరలో త్రివిక్రమ్ మూవీ షూటింగ్ లో కూడా పాల్గొంటారని సమాచారం. అయితే త్రివిక్రమ్ మూవీలో మహేష్ కు జోడీగా నయనతార నటించనున్నారని వార్తలు వస్తున్నాయి. ఇప్పటివరకు మహేష్ బాబు నయనతార కాంబినేషన్ లో ఒక్క సినిమా కూడా రాలేదు.
నయనతార ఈ సినిమాలో హీరోయిన్ గా నటిస్తే కోలీవుడ్ లో సైతం ఈ సినిమాపై భారీగా అంచనాలు ఏర్పడే అవకాశం ఉంది. లేడీ సూపర్ స్టార్ గా నయనతార కోలీవుడ్ ఇండస్ట్రీలో వరుస విజయాలతో కెరీర్ ను కొనసాగిస్తున్నారు. ఈ సినిమాలో ఇద్దరు హీరోయిన్లు నటిస్తారని ఒక పాత్ర కోసం త్రివిక్రమ్ బాలీవుడ్ బ్యూటీని తీసుకోనున్నారని సమాచారం. మహేష్, త్రివిక్రమ్ కాంబో మూవీ కమర్షియల్ ఎంటర్టైనర్ గా ఉంటుందని త్రివిక్రమ్ మహేష్ ను కొత్తగా చూపించనున్నారని తెలుస్తోంది.
త్రివిక్రమ్ మహేష్ కాంబోలో వచ్చిన అతడు, ఖలేజా సినిమాలలో అతడు హిట్ గా నిలిస్తే ఖలేజా ఫ్లాప్ అయింది. దాదాపు పదేళ్ల తరువాత మహేష్ త్రివిక్రమ్ కలిసి పని చేస్తుండగా ఇద్దరూ సక్సెస్ లో ఉండటంతో ఇద్దరి కాంబినేషన్ లో మరో ఇండస్ట్రీ హిట్ వస్తుందని మహేష్ ఫ్యాన్స్ భావిస్తున్నారు. వచ్చే ఏడాది సమ్మర్ కానుకగా ఈ మూవీని రిలీజ్ చేయనున్నట్టు మేకర్స్ ప్రకటించారు. మహేష్ మూవీలో నటించడానికి నయనతార ఓకే చెబుతారో లేదో చూడాల్సి ఉంది.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
Home