Nayanthara: పెళ్లి విషయంలో నయన్ డెసిషన్ మార్చుకుందా..?

July 12, 2021 / 09:51 PM ISTByFilmy Focus

Join Us

Nayanthara: పెళ్లి విషయంలో నయన్ డెసిషన్ మార్చుకుందా..?

ప్రముఖ హీరోయిన్ నయనతార చాలా కాలంగా దర్శకుడు విఘ్నేష్ శివన్ తో ప్రేమలో ఉంది. అయితే ఇప్పటివరకు ఈ జంట పెళ్లి మాత్రం చేసుకోలేదు. రీసెంట్ గా విఘ్నేష్ ను పెళ్లి విషయంపై ప్రశ్నిస్తే.. వివాహమనేది డబ్బుతో కూడుకున్న విషయమని.. కాబట్టి పెళ్లి కోసం డబ్బులు దాచుకుంటున్నానని చెప్పి తప్పించుకున్నారు. అయితే ఇప్పుడు ఈ జంట త్వరలోనే పెళ్లిపీటలు ఎక్కబోతున్నట్లు సమాచారం. దానికి కారణం నయన్ తండ్రి కురియన్ కొడియట్టు అని తెలుస్తోంది.

ఇటీవల ఆయన అస్వస్థతకు గురయ్యారు. దీంతో ఆయనను కొచ్చిలోని ఓ ప్రైవేట్ హాస్పిటల్ కు తరలించారు. ప్రస్తుతం ఆయనకు ఐసీయూలో చికిత్స అందిస్తున్నట్లు సమాచారం. దీంతో నయన్.. విఘ్నేష్ శివన్ తో కలిసి ఇటీవల ప్రత్యేక విమానంలో కొచ్చికి వెళ్లింది. తన కూతురి పెళ్లిని చూడాలని నయన్ తండ్రి కోరుకుంటున్నారు. కొద్దిరోజులుగా ఇదే విషయాన్ని నయనతారను కూడా అడుగుతున్నారట. కానీ ఈ స్టార్ హీరోయిన్ మాత్రం బిజీగా ఉండడంతో పెళ్లి వాయిదా వేస్తూ వచ్చింది.

ఇప్పుడు తండ్రి ఆరోగ్య పరిస్థితిని దృష్టిలో పెట్టుకొని పెళ్లికి అంగీకరించినట్లు కోలీవుడ్ మీడియా వార్తలు ప్రచురిస్తోంది. మరి ఇందులో ఎంతవరకు నిజముందో చూడాలి!