విజయ గర్వముతో నయనతార మిడిసిపడుతోంది. టాలీవుడ్ హీరోలను అవమానపరుస్తోంది. మొన్న “బాబు బంగారం” సినిమాకు డేట్స్ అడ్జస్ట్ చేయకుండా తిప్పలు పెట్టింది. నిన్న సౌత్ ఇండియన్ ఇంట్రనేషనల్ మూవీ అవార్డ్స్ లో స్టైలిష్ స్టార్ అల్లు అర్జున్ ని అందరి ముందు అవమానించింది. ఈ ఘటనలను తెలుగు చిత్ర పరిశ్రమ మరిచి పోక ముందే మరో సారి టాలీవుడ్ హీరోలను తక్కువ చేసి మాట్లాడింది. చిరంజీవి, బాలకృష్ణ వంటి సీనియర్ హీరోల సరసన నటించనంటూ ఫోజు కొడుతోంది.
కెరీర్ తొలినాళ్లలో బాలకృష్ణ, వెంకటేష్, నాగార్జున లతో నటించడానికి సై అన్న మలయాళ కుట్టీ ఇప్పుడు ససేమిరా అంటోంది. తాజాగా పవర్ స్టార్ పవన్ కళ్యాణ్ కి జోడిగా నటించమని నిర్మాత ఏఎం రత్నం ఆమెని కోరగా, చేయనని మొహంమీదే చెప్పేసింది. ఎందుకని అడగగా సీనియర్ హీరోలతో తెరను పంచుకోవడం ఇష్టం లేదని స్పష్టం చేసింది. ఈ విషయం తెలిసిన టాలీవుడ్ పరిశ్రమ వర్గాలు ఆదరించిన పరిశ్రమను అవహేళన చేయడం తగదని, ఆమె పొగరు తగ్గించుకుంటే మంచిదని సలహా ఇస్తున్నాయి.
Also, do SUBSCRIBE to our YouTube channel to get latest Tollywood updates.
