Nayanthara: పదిమంది ఇష్టపడితే 50 మంది విమర్శిస్తున్నారు?

సౌత్ ఇండస్ట్రీలో లేడీ సూపర్ స్టార్ గా కొనసాగుతున్నటువంటి నటి నయనతార గురించి ప్రత్యేకంగా చెప్పాల్సిన పనిలేదు. ఈమె ఇండస్ట్రీలో అగ్రతారగా కొనసాగుతూ ఎంతో బిజీగా ఉన్నారు. ఇక పెళ్లి చేసుకొని కొత్త జీవితంలోకి అడుగు పెట్టినప్పటికీ ఈమె సినిమాలపై ఏమాత్రం ఆసక్తి తగ్గించకుండా వరుస సినిమాలకు కమిట్ అవుతున్నారు అయితే ఈమె సూపర్ స్టార్ అనే బిరుదుతో పిలవడం కొంతమంది జీర్ణించుకోలేక తరచూ వివాదాస్పద వ్యాఖ్యలు చేస్తూ ఉంటారు.

తాజాగా ఈమె అన్నపూరణి సినిమా ద్వారా ప్రేక్షకుల ముందుకు వచ్చిన సంగతి మనకు తెలిసిందే. అయితే ఈ సినిమా లో నయనతార పేరును స్క్రీన్ ప్రజెంట్ చేస్తూ లేడీ సూపర్ స్టార్ అనే ట్యాగ్ తో చూపించారు. ఈ క్రమంలోనే పెద్ద ఎత్తున వివాహంగా మారింది. అయితే ఈ సినిమా ప్రమోషన్లలో భాగంగా ఒక ఇంటర్వ్యూలో పాల్గొన్నటువంటి నయన్ ఈ వివాదం పై స్పందించారు. ఇక ఈ సినిమాలో నయనతార సరసన జై నటించారు.

ఈ సందర్భంగా ఆయన మాట్లాడుతూ నయనతార నేను రాజారాణి సినిమాలో నటించామని తెలిపారు. ఆ సినిమా తర్వాత ఈ సినిమాలో కలిసి స్క్రీన్ షేర్ చేసుకున్నామని అయితే నయనతార కెమెరా ముందుకు వస్తే నటనలో లీనం అవుతుందని ఆమె నటన చూస్తే ఎవరైనా లేడీ సూపర్ స్టార్ అనక మానరు అంటూ ఈయన కామెంట్ చేశారు. ఇలా జై మాట్లాడేటప్పుడు వెంటనే నయనతార రియాక్ట్ అవుతూ దయచేసి అలా అనకండి. నన్ను లేడీ సూపర్ స్టార్ అని పిలవడం చాలామందికి నచ్చదు.

ఆ బిరుదుతో నన్ను పిలిస్తే కేవలం పది మంది మాత్రమే ఇష్టపడుతున్నారని 50 మంది విమర్శలు చేస్తున్నారని తెలిపారు. ఇక ఈ సినిమాలో కూడా డైరెక్టర్ తన పేరు పక్కన లేడీ సూపర్ స్టార్ అనే బిరుదు నాకు సర్ప్రైజ్ గా పెట్టారని ఈ విషయం ఎవరికీ కూడా తెలియదు అంటూ ఈమె తెలియజేశారు. ఇక నన్ను లేడీ సూపర్ స్టార్ అని పిలిస్తే ఇష్టపడకపోవడానికి బహుశా నేను నటనలో ఇంకా ఆ స్థాయికి చేరుకోలేదేమో అందుకే చాలామందికి నన్ను అలా పిలవడం ఇష్టం లేదేమో అంటూ ఈ సందర్భంగా నయన తార (Nayanthara) చేసిన ఈ కామెంట్స్ ప్రస్తుతం వైరల్ అవుతున్నాయి.

హాయ్ నాన్న సినిమా రివ్యూ & రేటింగ్!!

‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!