‘యానిమల్’ (Animal) సినిమాతో బాలీవుడ్లో భారీ విజయం అందుకుంద రష్మిక మందన (Rashmika). ఆ సినిమా విజయం ఆమెకు ఏమైనా లాభం చేకూర్చిందా అంటే ఆమె కంటే ఎక్కువగా త్రిప్తి దిమ్రికే (Tripti Dimri) పేరొచ్చింది అని చెప్పాలి. దీంతో రష్మిక ఎఫర్ట్స్కి మరో స్టార్ హీరో సినిమా దక్కాల్సిందే అంటూ ఫ్యాన్స్ కోరుకున్నారు. వారి ఆశలు నెరవేరుస్తూ క్రష్మికకు సల్మాన్ ఖాన్ (Salman Khan) సరసన ఛాన్స్ వచ్చేసింది. అయితే అది ఆమెకు నేరుగా వచ్చిన ఛాన్స్ కాదా? ఏమో ఇప్పుడు ఇదే డిస్కషన్ నడుస్తోంది.
40వ పడిలో పడినా కుర్ర హీరోయిన్లకు పోటీగా రాణిస్తోంది నయనతార (Nayanthara) . ఆమెకే తొలుత సల్మాన్ ఖాన్ ‘సికిందర్’ సినిమా ఛాన్స్ వచ్చింది అంటున్నారు. ఆ సినిమా దర్శకుడు మురుగదాస్ తొలుత హీరోయిన్ పాత్రను నయనతారకు ఆఫర్ చేశారట. ఈ మేరకు టీమ్కి, ఆమెకు మధ్య చర్చలు కూడా జరిగాయట. షారుఖ్ ఖాన్ (Shah Rukh Khan) – అట్లీ (Atlee Kumar) కాంబినేషన్లో వచ్చిన బ్లాక్బస్టర్ ‘జవాన్’ (Jawan) విజయం నేపథ్యంలో నయన్.. సల్మాన్ సినిమాను కూడా ఓకే చేస్తుంది అనుకున్నారంతా.
కానీ ఆమె సినిమాకు నో చెప్పిందట. పాత్ర నచ్చకపోవడంతో నయన రిజెక్ట్ చేసింది అంటున్నారు. మరికొందరైతే సల్మాన్ సరసన ఎందుకు అనుకోవడం వల్లే తిరస్కరించింది అంటున్నారు. ఈ విషయంలో ఏది నిజమో తెలియదు కానీ.. నయన్ అయితే ఈ సినిమా ఓకే చేయలేదు. ఈ క్రమంలో ‘యానిమల్’ ఎఫెక్ట్ వల్ల రష్మిక ఆ సినిమాలోకి వచ్చింది అంటున్నారు. ఇందులో ఆమె సౌత్ అమ్మాయిగా కనిపిస్తుంది అని చెబుతున్నారు.
ఇక సికిందర్ విషయానికొస్తే… ఈ సినిమా వచ్చే నెలలో షూటింగ్ ప్రారంభించుకుంటుందట. యాక్షన్ – ఎమోషన్స్ – మెసేజ్ కలగలిపిన కథను రాసుకున్నారట మురుగదాస్. ఇప్పటికే ‘గజని’ సినిమాతో బాలీవుడ్ బ్లాక్బస్టర్ ఇచ్చిన మురుగదాస్ ఈసారేం చేస్తారో చూడాలి. సౌత్లో అయితే ఆయనకు సరైన విజయం వచ్చి చాలా ఏళ్లయింది. ఇక ఈ సినిమాను సల్మాన్కు బాగా కలిసొచ్చే రంజాన్ టైమ్లో తీసుకొస్తారట.
